बारम्बार जन्मिरहेका छन नथुराम हरु

======- कृष्ण क्षेत्री====
मतलब छैन
नरोत्तम हरु नथुराम बनुन या नबनुन
अचम्म मान्नु पर्दैन
नरोत्तम ले नथुराम सम्झयो भनेर।
नथुरामभन्दा खतरानाक छन।
छाया बनेर छल गर्ने हरु यहाँ ।

हुनत
राजा मार्नी देशमा
प्रधानमन्त्री को के कुरा भोर ?

त्यसैपनि
हाम्रो सत्ता इतिहास
रक्तपात पुर्ण सत्ता इतिहास हो ।
यहाँ
इतिहासमा राजा रणबहादुर
काटिएका थिए ,
आफ्नै सहोदर भाइ शेरबहादुर बाट ।
अरु पनि थुप्रै
काटिएका छ्न मारिएका छ्न
आफन्तै हरु बाट।

सत्ता र सम्पत्ति कै लागि ।
श्री ३ महाराज जङ्गबहादुर मारिए आफ्नै भाईहरु बाट ।

के दाइ मारा हरुको कुनै कमि छर यहाँ ! ??

राजा बिरेन्द्र सपरिवार सङ्गै धिरेन्द्र मारिए रहस्य कै गर्भमा

मारिएका थिए यहाँ माँथवर र भिमसेन सहित
थुप्रै प्रधानमन्त्री हरु!
थुप्रै मन्त्री हरु!
थुप्रै काजी र,
थुप्रै मुख्तियार हरु!
थुप्रै भाइ र भारदार हरु !
सत्ता कै लागि मारिएका छन।

सत्ताको
त्यो कालो इतिहास।।

आज इतिहासको
त्यो अँध्यारो लाई !
ब्रतमानमा दोहोराउनु पर्छ भन्ने तर्क दिने नरोत्तम हरु।
आधुनिक इतिहास कै काला कलंक नबनुन ।।

अदृश्य काला कलंक हरु बाटै
मदन र आश्रीत हरु मारिए ।
नथुरामभन्दा खतरानाक छन।
छाया बनेर छल गर्ने हरु यहाँ ।

हुनत यहाँ
सत्ता र राजनीति मा
स्थाई सत्रु नहुदो रहेछ।।

हिजो
टाउकाको मूल्य तोक्ने
र
टाउको जोगाउन भाग्ने हरु ।
आज
एउटै जुवामा नारिएका छ्न।
अनि
हिजो
टाउको जोगाइदिन मोर्चामा छाती थाप्ने हरु ,
आज
तिनै बाट ज्यान जोगाउन भागिरहेका छन।

यहाँ त सत्ताका लागि
केपो हुदैन र ?
सत्ता मिलेन दुश्मनी मोल्यो।
मौका मिल्यो ,
सत्ता मिल्यो दोस्ती जोड्यो।

यहाँ केपो हुदैन र !
सत्ता जोगाउनकै लागि!
सत्तामा बसेर बिद्रोहिलाई
चौकी हान अनुरोध गर्ने हरु,
सिंह दरबार मा बसेर
रोल्पा संङ्ग अनुरोध गर्थ्यो
लौन थानकोट मा
2/4 जना प्रहरी ढालिदिनु पर्यो।
नत्र यता सत्ता ढल्न थाल्यो ।।।

बिचारा
2/4 जना सिपाही मारेर टिकाएको सत्ता इतिहास हाम्रो।

हरे हाम्रो सत्ता इतिहास
हरे हाम्रा नेता र नेतृत्व !
सत्ता र सम्पत्तिको कालो
इतिहास ।
सत्तामा स्थान पाएमा
नरोत्तमहरु नथुराम बन्ने छैनन् ।
अनि
थाहा छैन नरोत्तम हरु
कति बेला एउटै जुवामा नारिने हुन ,
वा
नरोत्तम हरु नथुराम बन्ने हुन !
कतिबेला इतिहास को कलंक बन्ने हुन।
मतलब छैन
नरोत्तम हरु नथुराम बनुन ।
तर
फेरि पनि 2/4 जना सिपाही
र
आम सर्बसाधरण मात्रै
सहिद नबनुन।
मतलब छैन
नरोत्तम हरु नथुराम बनुन या नबनुन।।।।।

-कृष्ण क्षेत्री
पोखरा
2078/2/29