गायिका सुस्मिता रुम्बा तामाङको “झर्के त थालमा सुनपाती धुप” बोलको सेलो गीतको म्युजिक भिडियो सार्वजनिक

काठमाडौँ, असार २६, खोज मिडिया । गायिका सुस्मिता रुम्बा तामाङको “झर्के त थालमा सुनपाती धुप” बोल रहेको तामाङ सेलो गीतको म्युजिक भिडियो सार्वजनिक भएको छ ।

गायक विशाल पाख्रिनको शब्द, संगीत रहेको सोही गीतमा गायक आफैंले स्वर दिएका छन् भने गायिका सुस्मिता रुम्बाले पनि स्वरमा साथ दिएकी छिन् । यस गीतलाई विशाल योन्जनले एरेन्जर गरेको छन् भने गीतको मिक्सिङ डिक गुरुङले गरेका हुन् ।

नायक तथा निर्देशक अमीर दोङको निर्देशनमा रहेको गीतको भिडियोमा अमिर दोङ, सुनिता लुङ्बा, किरण ब्लोन, प्रबल थिङ, सन्ध्या मोक्तान लगायतको अभिनय रहेका छन् । गीतको भिडियोलाई सुमन तामाङले खिचेका हुन् । नृत्य निर्देशन भने युद्ध लामा ब्लोनको रहेको छ । त्यसैगरी मेकअपमा आदित्य लामाले सम्हालेको छ । प्रस्तुत गीतमा लाहुरे सोल्टीको घरको पुजामा निम्तोलाई स्विकार्दै शिक्षिका सोल्टीनी आइपुगेपछि राजनीति देखि संस्कृतिसम्मको कुरालाई जुहारीमा उतारेका छन्।

झाँगिदै गएको सांगीतिक क्षेत्रमा नयाँ नयाँ अनुहारहरु थपिदै गएको देखिन्छ । स्थायी घर रामेछाप रहेको गायिका रुम्बा पनि हालै गीत संगीत क्षेत्रमा प्रवेश गरेकि छिन । सानैदेखि रुचि रहेको भन्दै उनले यस क्षेत्रलाई निरन्तरता दिने बताए ।