चट्याङ लागेर सिरहामा चालकको मृत्यु

शम्भु चौधरी सिरहा ,१७ चैत्र । मौसम बदलावसंगै आज दिँउसो आएको हावा हुण्डरी र वर्षाका कारण परेको चट्याङ लागेर सिरहाको मिर्चैयामा एक ट्रक चालकको मृत्यु भएको छ ।

पूर्व पश्चिम राजमार्गको उत्तरी छेऊमा रहेको सौर्य सिमेन्ट इन्डिस्ट्रिजमा सिमेन्ट लिन आएको ना ५ ख ३७२१ नम्बरको ट्रक चालकको चट्याङ लागेर मृत्यु भएको हो ।

मधेश प्रदेशको रौतहट जिल्लाको चन्द्रपुर नगरपालिका– ८ अलटुकीका ४३ वर्षीय नेत्रकुमार गौतम चट्याङ लागेर गम्भीर घाइते भएपछि उनलाई उपचारको लागि स्थानिय फूल कुमारी मेमोरियल अस्पताल लादै गर्दा बाटोमा मृत्यु भएको जिल्ला प्रहरी कार्यालय सिरहाले जनाएको छ ।