मिटरव्याज सम्वन्धि उच्च स्तरीय संयन्त्र समिति निर्माणको माँग

सिरहा, ९ पुस। सिरहामा मिटरव्याज बिरुद्धको संघर्ष समिति, नेपालले मिटरव्याज सम्वन्धि मुद्दा कडाईका साथ समाधानका गर्न उच्च स्तरीय संयन्त्र निर्माणको माँग गरेको छ।

संघर्ष समितिले सिरहाको सहलेश फुलबारीमा सोमबार पत्रकार सम्मेलन गर्दै जिल्ला प्रमुख अधिकारीको नेतृत्वमा रहेको सहायता कक्षले प्रभावकारी कामगर्न नसकेको भन्दै उनीहरुले उच्च स्तरीय संयन्त्र निर्माणको माँग गरेको हो।

पत्रकार सम्मेलनमा समितिका संयोजक मनोज पासवानले हाम्रा उचित माँगहरु तत्काल कार्यान्वयन नभए अझै सशक्त आन्दोलनमा उत्रिन बाध्य हुने बताए। उनले भने, ‘हामी पछिल्लो १० महिनादेखि निरन्तर आन्दोलनमा छौं। आन्दोलनको बलमा कानुनपनि निर्माण भयो तर, कानुन कार्यान्वयन भईहेको छैन, ।

सञ्चारकर्मीको प्रश्नको जवाफ दिदै संयोजक पासवानले भने, ‘अहिले सम्म हामी शान्तिपूर्ण आन्दोलनमा छौं। यहि नै जारी रहन्छ। तर, यस्तै अवस्था रहे घर, सम्ती र इज्जत लुटिएका पीडित कुन हदसम्म जान सक्छ तपाईहरु आफै अनुमान गर्नुहोस्।’

पत्रकार सम्मेलनमा संघर्ष समितिले मिटरब्याज सम्बन्धी मुद्दालाई कडाईका साथ समाधानका गर्न उच्च स्तरीय संयन्त्र निर्माण, साहु महाजनले आफू बिरुद्ध उजुरी परेपछि जिल्ला अदालतमार्फत् ल्याउने निशेषज्ञा सम्वन्धी सबाल सरकारी स्तरबाट नै समाधान गनुपर्नेसहित सात बुद्धे माँग प्रस्तुत गरेका छन्।

समितिले अनुचित लेनदेन सम्बनधी परेका उजुरी किनारा नलागुञ्जेल साहु महाजनले अदातलमा हालेका लेनदेन सम्वन्धि मुद्दा तत्काल रोकिनुपर्ने, वडा कार्यालयमा हुने कपाली तमसुक प्रमाणिकरण र दर्ता प्रकृयाको निगरानी गरिनुपर्ने, ठूला मिटरव्याजीलाई कानुनी कार्वाही गरिनु पर्ने, आयोग र जिल्ला सहायता कक्षमा पीडित र साहु महाजनबिच भएका सहमति तत्काल कार्यान्वयन हुनुपर्ने र सरकार र संघर्ष समितिविच भएको पाँच बुदे सहमति अक्षरसः पालना गर्नुपर्ने माँग राखेका छन्।

समितिका संरक्षक रामरिझन यादवले कुनै पनि आन्दोलनको निरन्तरताले सफलताको नजिक पुर्याउने भन्दै पीडितहरुको संघर्षले कानुन बन्न सफल भएपनि कार्यान्वयन कमजोर भएको बताए। उनले कानुन निर्माणपछि प्रकानमन्त्री पुष्पकमल दहालसँगको भेटमा पीडितहरुलाई न्याय दिलाउने आश्वाससन दिएपनि अझै पुरा हुन नसकेको प्रति खिन्नता व्यक्त गरे। अभियन्ता यादवले भने, ‘कानुन बनिसक्यो, प्रधानमन्त्रीले न्याय दिलाउने बाचा गर्नु भयो। तर, कार्यान्वयन फितलो भएको छ। अव यसको टुङ्गो पनि आन्दोलनबाटै लाग्छ।’

सोही क्रममा पीडितहरुले लामो समयदेखि आन्दोलन गरिरहेको भएपनी राजनीतिक दलहरुको साथ सहयोग नरहेको प्रति दुःख व्यक्त गरे। उनीहरुले हामी पनि दलहरुकै भोटर, सुभचिन्तक हौं। तर हामीलाई अपठ्यारो परेको बेला उनीहरुको मौनता आश्चर्यजनक रहेको पीडितहरुले बताए।