“साथ दिन्छु भन्दै उही धोका दिने कत्ति-कत्ति”(कवि खोजराज गोले)
55 Views
साथ दिन्छु भन्दै उही धोका दिने कत्ति-कत्ति !
माया भन्दै बेदनाको पोका दिने कत्ति-कत्ति !!
यो शरीरले कत्ति धानोस्, क्षतविक्षत् भई ढल्यो !
पड्काउँदै गोली छर्रा खोका दिने कत्ति-कत्ति !!
भाग्य जाँच्ने काइदा पनि कस्ता-कस्ता हुँदारै’छन् !
दुधेरोको सट्टा यहाँ डोका दिने कत्ति-कत्ति !!
खुल्ला दिलले मरि मेट्तै साथ दिनु बेकारै भो !
अमृत भन्दै झुक्याउँदै कोका दिने कत्ति-कत्ति !!
यतिसम्मन् निर्लज्जा झन् औँशी पूर्णे लाग्नेहरू !
मूर्तिकै पो विरोध गर्दै बोका दिने कत्ति-कत्ति !!
प्रतिक्रिया दिनुहोस