जीवन ज्योति सेवा केन्द्रको उद्घोषण तालिम सुरु
167 Views

पोखरा । मानवीय सेवा र उद्धारमा समर्पित जीवन ज्योति सेवा केन्द्रले अतिरिक्त कृयाकलाप अन्तर्गत व्यक्तित्व तथा नेतृत्व शिप विकासका लागि दुइ दिने उद्घोषण तालिम सोमबार सुरु गरेको छ ।
कार्यक्रमका प्रमुख अतिथि स्वतन्त्र पत्रकार संघ कास्कीका अध्यक्ष कृष्ण रानाभाटले व्यानरमा हस्ताक्षर गरी उद्घाटन गरेका थिए । कार्यक्रमको सफलताको कामना गर्दै कुनै पनि तालिमले व्यक्तिको क्षमता अभिवृद्धि हुने भएकोले समय मिले सम्म तालिम लिइरहनु पर्ने वताए ।
त्यसै गरी सुचनाको हकको लागि नागरिक अभियान पोखरा महानगरपालिकाका अध्यक्ष अनिल थापा, वेभपेज नेपालका प्रोपाइटर पितम सेनलगाएतले औपचारिक तथा अनौपचारिक कार्यक्रममा वोल्ने कलाको महत्वपूर्ण भूमिका रहने वताउँदै उद्घोषण तालिमको महत्वको वारेमा वोलेका थिए ।
प्रशिक्षणको सहजकर्ता कास्की खबर डट कमका समाचार प्रमुख सागर कार्की रहेका छन् भने तालिममा केन्द्रका विभिन्न जिल्लाका ५० जना प्रतिनिधिहरुको सहभागिता रहेको छ ।
केन्द्रकी अध्यक्ष सृजना देवी रिजाल कार्र्कीको अध्यक्षतामा भएको कार्यक्रममा स्वागत केन्द्रिय उपाध्यक्ष इन्द्राकुमारी पुनले र संचालन सचिव तिलुमाया थापा खवासले गरेका थिए ।
प्रतिक्रिया दिनुहोस