रौतहटको गुजरा नपामा एक होइन तीनवटा मेयर हो. जसपा नेता बद्रुदिन् ।

ललन कुमार चौरसिया
रौतहट १६ भदौ, खोज मिडिया – रौतहट अन्तर्गत गुजरा नगरपालिका निवासी जनता समाजवादी पार्टीका प्रभावशाली युवा नेता बद्रुदीन अरमानले गुजरा नगरपालिकाकाको नगर प्रमुख सन्तलाल चौधरी मेयर मुखी नगरपालिका बनाएको आरोप लगाएको छ। नगर प्रमुख चौधरीले जनताको हित भन्दा आफ्नै हितको लागि काम गरि आइरहेको आरोप लगाएको छ । पत्रकारहरु संग आज आफ्नै निवासमा कुराकानी गर्दै जनता समाजवादी पार्टी का नेता अरमान जनतालाई फाइदा हुने काम नगरी आफ्नै फाइदा हुने काम मात्रै गरेको आरोप लगाएका छन् ।

गुजरा नगरपालिकाका उपप्रमुख रौसन खातुनको श्रीमान समेत रहेका नेता बदरुदिन अरमान भाइले मेयर चौधरीले आम उपभोक्ता समितिबाट १० प्रतिशत कमिसन लिएको र उपमेयर ले सो कमिसन नलिन भनेपछि उल्टै उपमेयर लाई नै अनुगमन समितिको संयोजक बाट हटाएको आरोप लगाएका छन् । त्यस्तै नगरको सन्दर्भमा बस्ने बैठकमा मेयर र उपमेयर मिलेर कुनै निर्णय गर्नु पर्नेमा मेयर चौधरीले उप मेयर लाई बाइपास गरी एकलौटी निर्णय गरी कार्यान्वयन गरी विकास बजेटको रकम दुरुपयोग गरेको उनले बताए ।

मेयर एकलौटी गरेको निर्णयमा उपमेयर खातुनले हस्ताक्षर गर्न नमान्दा मेयर चौधरीलाई अप्ठ्यारो हुन् थालेको उनले बताए । मेयर सन्तलाल चौधरीले फन् पार्कको नाममा करोडौं रकम दुरुपयोग गरेको समेत उनले आरोप लगाए । मेयर चौधरीले गुजरा नगरपालिका २ चोचामा करोडौंको लगानीमा फन पार्क निर्माण गरेका छन् उक्त फन पार्कबाट जनतालाई कुनै फाइदा नरहेको नेता बद्रुदिनको भनाई छ । आफू र उपमेयर खातुनले जनतालाई स्वरोजगार बनाउन फन पार्कको साटा वडा नं १,२ र ३ लाई समेटेर बाख्रा गाउँ घोषणा गरी प्रत्येक व्यक्तिलाई २ वटा बाख्रा उपलब्ध गराउन चौधरीलाई पटक पटक आग्रह गरेपनि मेयर चौधरीले आफूहरूको कुरालाई बेवास्ता गरी आफ्ना मनोमानी तरिकाले फन पार्क बनाएको उनको आरोप छ ।

मेयर चौधरीले यसरी नै जनताको पक्षका काम नगरी आफ्ना व्यक्तिगत स्वार्थ पूर्ति हुने काम मात्रै गरेको उनको दाबी छ । उपमेयर खातुनले कोरोना जाँचको लागि सवाव दिसकेको भए पनि मेयर चौधरीले उपमेयर सवाब दिन नै नमानेको भनी झूठो आरोप लगाएको उनले बताए । त्यस्तै नेता बद्रु दिन अर्मानले गुजरा नगरपालिकामा एउटा नभई तीन तीन जना मेयर रहेको समेत बताएका छन् । यश नगरपालिकामा एउटा मेयर, एउटा टप मेयर र एउटा उपमेयर रहेको भन्दै उनले टप मेयर र मेयरले मात्रै नगरपालिका चलाइरहेको आरोप लगाए । आफूले सदैव जनताको पक्षमा काम गर्न उनलाई सुझाव दिने गरेको उनले बताए । नेता अर्मा नले यश अघि भए गरेका सम्पूर्ण काम को खर्च विवरण जनतामा सार्वजनिक गर्न उपमेयर खातुनले पटक पटक लिखित र मौखिक रूपमा ताकेता गरेपनि मेयर चौधरीले सार्वजनिक गर्न नमानेको उनले बताए ।