कोरोनामा नेपाल सरकार र प्रदेश सरकार मुखदर्शक, आइसोलेशन बनाउन दासको माग

ललन कुमार चौरसिया
रौतहट २ भदौ, खोज मिडिया । विश्व लाई नै नोबेल कोरोना भाईरसले आक्रान्त बनाएको बेला यस भाईरस असर नेपालमा पनि अत्याधिक देखा पर्न थालेको छ । कोरोनाको कारण नेपालको अर्थ व्यवस्था समेत संकटमा परेको छ । करिब नेपालका सबै प्रदेश हाल कोरोनाको महामारी संग सर्घषरत अवस्थामा रहेको बेला नेपाल सरकार र प्रदेश नम्बर २ को सरकार खरायो जस्तै सुत्नमा व्यस देखिएको आरोप लागेको छ ।

जनता समाजवादी पार्टीका केन्द्रिय सदस्य हृदय नारायण दासले संचारकर्मीहरु संग कुराकानी गर्दै स्थानिय सरकारको तादरुकता कै कारण कोरोना संग हाल सम्म जुधने काम भएको र भई रहेको बताएका छन् । नेपालमा सबै भन्दा बढि संक्रमित र मृत्कको संख्या प्रदेश नम्बर २ मा नै रहेको भए पनि नेपाल सरकार र प्रदेश सरकार खासै केहि नगरेको आरोप लगाएका छन् ।

नेपाल सरकार र प्रदेश सरकारका मन्त्रीहरु विलासी सवारीमा बिना अर्थ भ्रमण गर्ने र झुठा आश्वासन बाडदै हिडेनु बाहेक केहि गर्न नसकेको वहाँको बुझाई रहेको छ । दासका अनुसार करिब चैत ११ गते देखि कोरोनाको सर्घष जारी रहेतापनि नेपाल सरकार र प्रदेश सरकारले रौतहट लगायत ८ वटा जिल्लामा पिसिआर जडान गर्न नसक्नु मान्वता संगको खेल्वाड रहेको छ ।

प्रदेश नम्बर २ मा कोविडले भयावह रुप लिनुमा नेपाल सरकार र प्रदेश सरकार स्वंम जिम्मेवार रहेको दासले बताएका छन् । रौतहट जिल्लामा हालै आएको प्रमुख जिल्ला अधिकारीको काम गर्ने शैलीको प्रसंशा गर्दे दासले वहाँको प्रयासमा छिटै रौतहट जिल्लामा सुविधा सम्पन्न आईसोलेशन बन्ने र पिसिआर जडान हुनेमा विश्वास व्यक्त गरेका छन् ।