नाग्रे गर्गर्चेको गुम्बाका लामा धर्म गुरुहरुलाई धार्मिक पुस्तक वितरण

काभ्रे ,चैत १३ ।धार्मिक तथा सांस्कृतिक विविधताले भरीपुर्ण काभ्रे जिल्लाकै सुन्दर स्थान चौरीदेउराली गाउँपालिकाको नाग्रेगगर्चे को गुम्बाका लामा गुरुहरुलाई पुस्तक वितरण गरिएको छ ।

विभिन्न जातजाति र धर्मावलम्बीहरुको आस्थाका धरोहर टासी कुन्सालिङ गुम्बा ,बौद्ध धर्म दिप छ्योर्तेन गुम्बा , श्री टाशी म्होइथर्लिङ गोन्पा,सत्यकी देवी दुतिका खाँडादेवी लगाएत देवताहरुको पवित्र बासस्थान रहेको नाग्रेगगर्चे झट्ट हेर्दा जो कोहीलाई स्वर्गको टुक्रा लाग्नु स्वभाविकै हो ।

पर्यटकीय सम्भावना बोकेको एसिया महादेशकै दोस्रो ठुलो पहिरो बिचमा नागबेली विशाल दह जसलाई नियाली रहेका छन आस्थाका देवी भगवान खाँडादेवी माताले । उक्त पवित्र भुमिमा गत आइतबार एक कार्यक्रमका विच समाजसेवी एवम् धार्मिक अभियान्ता टेकराज मोक्तानले विभिन्न गुम्बाका लामा धर्म गुरुहरुलाई धार्मिक पुस्तक वितरण गरेका छन ।

चार जिल्लाको संगम स्थल कोशीपारी चौरीदेउराली गाउँपालिका वडा नं २ नाग्रे गर्गर्चेमा रहेको टासी कुन्सालिङ गुम्बा , बौद्ध धर्म दिप छ्योर्तेन गुम्बा , श्री टाशी म्होइथर्लिङ गोन्पा राजबास र चलाखु गुम्बाको लामा गुरुहरुले हिमालायन माहायनी अन्तर्गत काग्यु परम्परागत डुक्प काग्यु ल्हुक्सको जन्म देखि मृत्यु पस्च्यात ४९ औ घेवा सम्मको कार्य गर्दा प्रयोग हुने धार्मिक छ्योई समाज सेवी तथा धार्मिक अभियन्ता टेक राज तामाङको बाहुल्यमा वितरण गरिएको थियो ।

काग्यु परम्परागत डुक्प काग्यु ल्हुक्सको छ्योई धार्मिक पुस्तक समाजसेवी बुद्ध दोर्जे घिसिङको संकलनमा धर्म गुरु लोपेन ङावाङ तामाङ को शब्द शुद्धिकरण गरि प्रकाशन गरिएको थियो । समाजसेबि बुद्ध घिसिङबाट नेपालको विभिन्न गुम्बा म्हानी छोक्पा र धर्म गुरुहरुलाई आवस्यक्ता अनुसार सबै जिल्ला र गाउँगाउँ बस्तीबस्ती वितरण गरिएको र गरिने जानकारी गर्नु भयो ।

सो पुस्तक वितरण कार्यक्रममा बोल्दै समाजसेवी एवम् धार्मिक अभियान्ता टेकराज मोक्तान भन्छन् ” धर्म गुरुहरुलाई कर्मकार्य गर्दा बहुउपयोगी धार्मिक पुस्तक वितरण गर्दा बुद्धको दर्शन तथा नियाम अनुसार धर्म दानपुन्य गरिएको फल अनित्य काल सम्म पुन्य फल पाउने धार्मिक बिश्वास रहेको छ।” यस्तो कार्यले बुद्धको धर्म / दर्शन तथा उपदेश गाउ गाउ पुग्ने र धर्म गुरुहरुलाई प्रेरणा दाय हुने बौद्ध धर्मको प्रबर्द्धन संरक्षण र बिकासमा ठुलो टेवा पुग्ने र धर्म गुरुहरुलाई थप हौसला हुने समेत मोक्तानले बताए ।

उक्त कार्यक्रम पुन्य तिथि फागुपुर्णिमाको दिन पारेर गरिएको थियो भने चौरीदेउराली गाउँपालिका वडा न २ नाग्रे गगर्चेको सबै गुम्बाको लामा प्रमुख तथा सबै लामा गुरुहरुको उपस्थिति रहेको थियो ।