लामो समय देखि राजनीति तालमेल नमिलेको कारणले नगर सभा अवरुद्घ रहेका राजदेवी नगरपालिकाको पाचौं नगर सभा सम्पन्न

मेवालाल कुमार यादव
रौतहट १७ माघ, खोज मिडिया । रौतहटको १८ पालिका मध्ये राजदेवी नगरपालिकाले अन्तिममा पाचौं नगर सभा आज शनिबार सभ्य एवं भव्यरुपमा सम्पन्न गरेको छ। लामो समय देखि राजनीति तालमेल नमिलेको कारणले नगर सभा अवरुद्घ रहेका राजदेवी नगरपालिकाको नगर प्रमुख धिरेन्द्र कुमार सिंहले आफ्नो भुमिका निर्वाहमा कुनै कसर बाकी न राखेकोकै कारण नगरपालिकाले नगर सभा सम्पन्न गरेको छ। नगर प्रमुख धिरेन्द्र कुमार सिंहले २४३७२९५७३।१२ लागतको बिनियोजित क्षेत्रगत तथा बजेट नीति कार्यक्रम प्रस्तुत गरेका थिए।

नगर सभा गराउन गत महिनामा सम्पूर्ण कर्मचारीहरुद्वारा नगरपालिकाको कार्यालयमा तालाबन्दी गरेका पनि थिए। करिब सात महिना देखी तलब खान बाट बन्चित भएका कर्मचारीहरुले आन्दोलित भएका थिए। नगर सभा गराउने उदेश्यले राजदेवी नगरपालिकामा रहेको सम्पूर्ण राजनैतिक दलले सर्वपक्षीय धर्ना प्रदर्शन गरेको सर्विददै छ। ९५ प्रतिशत बहुमतले नगरसभा आज सुसम्पन्न भएको नगरप्रमुख सिंहले बताए।