चर्को आवाज निकाल्दै मोटरसाईकल चालकलाई कडा कारबाही सहित जरिवाना

कास्की , खोज मिडिया १७ भदौ । पोखरामा चर्को आवाज निकाल्दै ध्वनी प्रदुषण गरेको आरोपमा प्रहरीले एउटा मोटरसाइकललाई नियन्त्रणमा लिई जरिवाना तिराएर छाडेको छ।

गत शनिबार पोखरा महानगरपालिका -१४ भोटेचौतारा एरियामा चर्को आवाज निकाल्दै ध्वनी प्रदुषण गरी मोटरसाइकल चलाइरहेको अवस्थामा वडा प्रहरी कार्यालय रामबजारबाट खटिएको प्रहरीको टोलीले (प्र. -२-०२३- प. ४१०० नं. को क्रस फायर मोटरसाइकललाई नियन्त्रणमा लिएको थियो ।

नियन्त्रणमा लिइएको उक्त मोटरसाइकललाई आवश्यक कारवाहीका लागि यातायात व्यवस्था कार्यालय कास्की पठाइएकोमा कार्यालयले सात हजार जरिवाना गरी पठाएको वडा प्रहरी कार्यालय रामबजारले जनाएको छ। साथै, जरीवाना तिरे पश्चात सवारी धनीलाई बुधबार मोटरसाइकल जिम्मा लगाइएको छ।