पोखरामा जुवा तास खेल्नेहरु पक्राउ

कास्की, फागुन । पोखराबाट जुवातास खेल्ने ६ जना पक्राउ परेका छन् । पोखरा ८ मा गोपाल बस्नेतले चलाएको ग्यारेजको कोठामा उनीहरुले जुवा खेलेका हुन् । सञ्चालक बस्नेतसहित पोखरा ८ सभागृह बस्ने ४० वर्षका रमेश शाह, भारतका ३५ वर्षीय उपेन्द्र चौधरी र २५ वर्षका मुकेश शाह पक्राउ परेका हुन् । यस्तै, ३४ वर्षका राकेश शर्मा, सप्तरीका २७ वर्षीय सुजित चौधरी पनि पक्राउ परेका छन् ।

उनीहरूको साथबाट ३ बुक तास र १ लाख ४० हजार ४ सय ५० रुपैयाँ बरामद भएको बैदाम प्रहरी प्रमुख डिएसपी राजेन्द्र श्रेष्ठले जानकारी दिएका छन्  । उनीहरूलाई ५ दिन म्याद थप भई अनुसन्धान चलिरहेको प्रहरीले जनाएको छ।