तामाङ समुदायमाथि धावा बोल्ने अधिवक्ता भगवती पाण्डे ‘शितल’ लाई कारबाहीको माग

रोमन लामा (क्षितिज)
रामेछाप १० श्रावण खोज मिडिया। आज संसादमा सत्तारूढ दल नेपाली कांग्रेसका सचेतक सुशिला थिङले तामाङ समुदायमाथि धावा बोल्ने अधिवक्ता भगवती पाण्डेलाई कारबाहीको माग गरेकी छन् । एउटा टेलिभिजन कार्यक्रममा पाण्डेले तामाङ समुदायमाथि दिएको अभिव्यक्तिको विषयलाई लिएर उनले कार्यक्रम प्रस्तोता र अधिवक्ता पाण्डेलाई कारबाहीको माग गरेकी हुन् ।

“अधिवक्ता भगवती पाण्डेले दिएको अन्तर्वार्तामा तामाङ मगर लगायत अन्य जाति समुदायको आत्मसम्मानमा आँच पुग्ने गरी जुन अभिव्यक्ति दिनुभएको छ, त्यसको घोर आपत्तिजनक भएकाले घोर भत्र्संना गर्न चाहन्छु,” उनले भनिन्, “हाड नाताभित्र हुने विवाहले अपराध बढाएको दाबी गर्दै तामाङ समुदायमा दाजु बहिनी बिचमै बिबाह हुने हुँदा बिबाह गर्ने व्यक्ति एकोहोरो हुने र अपराधामा संलग्न हुने भन्ने अभिव्यक्तिले मेरो मनमा सुन काण्डभन्दा बढी पोलेको छ ।”

अधिवक्ता भगवती पाण्डेको यस्तो अभिव्यक्तिले आफू कति आपराधिक समुदायको माननीय भएछु भन्ने चिन्ता लागेको बताइन् । उनले गलत उदाहरण दिएर जाति समुदायको संस्कार संस्कृतिमाथि धावा बोल्ने जातीय तथा अन्य सामाजिक छुवाछूत तथा भेदभाव कसुर र सजाय ऐन २०६८ र मुलुकी अपराध संहिता २०७४ मर्मविपरीत भएकाले हदै सम्मको कारबाही गर्न माग गरिन् ।