सु-शान्त टोलले मुठीदानबाट ३३ कुइन्टल चामल वृद्धाश्रमलाई प्रदान

पोखरा । पोखरा महानगरपालिका वडा नं. १७ मा रहेको सु-शान्त टोल सुधार संस्थाले २०७१ सालदेखि हालसम्म विभिन्न वृद्धाश्रमहरुलाई ३३ कुइन्टल चामल हस्तान्तरण गरेको छ ।

टोलविकास संस्थाले आफ्ना सदस्यहरुबाट संकलन गरेका मुठीदान खाद्यान्न पोखरा वृद्धाश्रम सितापाईला, मानव सेवा आश्रम छोरेपाटन र हेम्जा, वेदविद्याश्रम स्याङ्जा काफलटारी, अमोर वाल आश्रम फेदीखोला, वेदविद्याश्रम घाँटीछिना, साथी संसार वागमारा, अपाङ्ग महासंघ, लामाचौरको अनाथ आश्रम तथा असाहय व्यक्तिहरु लगाएतलाई प्रदान गर्दै आएको छ ।

२०८० सालको नयाँ वर्षको उपलक्ष्यमा एकै दिन नगद ३६ हजार पाँच सयका साथमा चामल, दाल, तेल, नुन, आलु आटा, चिनि लगाएतका खाद्य सामाग्री प्रदान गरिएको थियो । जसमा १२५ केजी चामल, ५ केजी दाल, ५ र आधा लिटर तेल, ३६ केजी नुन, २० केजी आलु, २ केजी आटा र १ केजी चिनी टोलवासीले संकलन गरेका थिए ।

दैनिक मुठीदान संकलन गर्दै हरेक ३ महिनामा उक्त संकलन भएको मुठीदानमा रकम पनि थप गरी वृद्धाश्रमलाई प्रदान गर्दै आएको संस्थाका अध्यक्ष मीनबहादुर रानाभाटले वताए । यस पुण्यकार्यमा सु-शान्त आमा समुह र सु-शान्ट क्लबका सदस्यहरुको सक्रिय सहभागिता समेत रहेको उनले वताए ।

खाद्यन्न वृद्धाश्रम वा त्यस्तै प्रकृतिका संस्थालाई सहयोग गरिदै आएको छ भने नगद संस्थाले स्थापना गरेको अक्षयकोषमा जम्मा गरिन्छ । टोल सुधार संस्थाले दैनिक १ रुपैयाको दरले वार्षिक ३६५ रुपैया प्रतिघरबाट संकलन गर्दा ९ वर्षसम्ममा ३ लाख भन्दा वढि अक्षयकोषमा रकम जम्मा भएको र उक्त रकमको व्याजबाट खाद्य बैंक स्थापना गरी समस्यामा परेकालाई खाद्यन्न सहयोग गर्दै आएको छ ।