‘जोरनाले बन्दुक पटकाउदै’ बोलको गीत बजारमा सार्वजनिक

काठमाण्डौं, २५ चैत । जनबादी गायिका कमला दोङको “जोरनाले बन्दुक पटकाउदै” बोलको गीत बजारमा सार्वजनिक भएको छ । जनयुद्वमा लामो समय गीतसंगितमा विताएकी गायिका दोङको पछिल्लो चरण “हेर्दैमा राम्री” बोलको गीत सर्वाधिक रुचाएका थिए ।

गायिका दोङको “जोरनाले बन्दुक पट्काउदै” मा गायक तथा संगितकार सुसान लामाले स्वरमा साथ दिएका छन भने शब्द संगित पनि लामाकै रहेको छ । डम्फु मिडिया प्रा.लि. को अफिसियल युट्युब च्यानालबाट गीत सार्वजनिक गरेका छन ।

नेपाली सांगीतिक बजारमा सेलो संगीतको छुट्टै विशेषता छ । विशेषगरी तामाङ समुदायमा सिमित रहेको सेलो पछिल्लो चरण सबै समुदायका मानिसहरुले उत्तिकै रुचाएको कारण सेलो संगीतको व्यापकता बढ्दै गइरहेको छ ।

जनयुद्धमा जनवादी गीतहरु मात्रै गाउने गरेकी गायिका दोङ लामो समय गीत संगीतको दुनियाँबाट टाढा बसेकी थिइन । अगिल्लो समययता उनको कमब्याक संगै उत्कृष्ट व्यवसायिक गीतहरु बजारमा ल्याइरहेकी छिन् ।

यसअघि सार्वजनिक भएको गायिका दोङको “हेर्दैमा राम्री” बोलको गीत करिब ४५ लाख दर्शकले हेरिसकेका छन् । उक्त गीतमा गायक तथा संगीतकार विश्व दोङले साथ दिएका थिए ।