मेलम्ची नगरपालिका वडाध्यक्ष पदका उम्मेदवारलाई निर्वाचन आयोगले २४ घण्टे स्पष्टीकरणको माग

सिन्धुपाल्चोक, २३ वैशाख खोज मिडिया । मतदाताको पाउमा पैसा राखेको भन्दै समाचार सार्वजनिक भएका सिन्धुपाल्चोकको मेलम्ची नगरपालिका–१० का वडा अध्यक्षलाई निर्वाचन आयोगले २४ घण्टे स्पष्टीकरण सोधेको छ।

सिन्धुपाल्चोकको मेलम्ची नगरपालिका वडा नम्बर १० का वडाध्यक्ष पदका उम्मेदवार अमृत खनालले मतदाताको पाउमा हजारको नोट राखेर भोट माग्दै गरेको तस्बिरसहितको समाचार विभिन्न सञ्चारमाध्यम र सामाजिक सञ्जालमार्फत जानकारीमा आएको भन्दै निर्वाचन आयोगले उनलाई २४ घण्टे स्पष्टीकरण सोधेको हो। आयोगले भनेको किन का’रबा’ही नगर्ने भन्दै जवाफ मागेको हो।

“निर्वाचन आयोग ऐन, २०७३ को दफा २३ बमोजिम किन कारबाही नगर्ने हो २४ घण्टाभित्र आधार प्रमाणसहित स्पष्टीकरण पेस गर्न आयोगले निर्देशन दिएको छ।” आयोगले जारी गरेको विज्ञप्तिमा भनेको छ। वडाध्यक्षका उम्मेदवार खनालले मतदाताको पाउमा पैसा राखेको भन्दै फोटो र समाचार सार्वजनिक भएको थियो, तर उनले भने आफूले दिदीको खुट्टा ढोगेको दा’बी गरेका थिए।