मेलम्ची खानेपानी आइतबारदेखि काठमाडौँ उपत्यकामा वितरण हुँदै

काठमाडौँ, ११ वैशाख खोज मिडिया । मेलम्ची खानेपानी आयोजनाको पानी वैशाख ११ गते आइतबारदेखि काठमाडौँ उपत्यकामा वितरण सुरु भएको छ ।

खानेपानीमन्त्री उमाकान्त चौधरीले आइतबार बिहान नयाँबानेश्वरस्थित पानी वितरण केन्द्रबाट पानीको निकास खुला गरेसँगै पानी उपभोक्ताको धारामा पुगेको हो ।

गत वर्ष असार १ र १७ गतेको बाढीले मेलम्ची खानेपानी आयोजनालाई क्षतिग्रस्त बनाएपछि पानी आपूर्ति रोकिएको थियो । सफाइ र मर्मतपछि २९ चैतमा काठमाडौँतर्फ पानी पुनः पथान्तरण गरिएकामा आजदेखि पानी वितरण थालिएको हो ।