सेल्फीमा अनुहार खराब देखिँदा मानसिक स्वास्थ्यमा नकारात्मक प्रभाव

काठमाडौँ, २१ चैत खोज मिडिया । सेल्फीको चलन तीब्र रुपमा बढिरहेको छ । मानिस हरेक वर्ष औसतमा ४५० वटा सेल्फी लिइरहेका छन् तर एक अनुसन्धानका अनुसार यस्तो गर्दा फोटोमा अनुहार बिग्रन सक्छ । युनिभर्सिटी अफ टेक्सास साउथवेस्टर्न मेडिकल सेन्टरका अनुसन्धाताले बताए अनुसार सेल्फीले तपाईंको अनुहार बिगारिदिन्छ जसले तपाईंको नाम सामान्य तस्बिरको तुलनामा लामो र चौडा देखाउँछ ।

बेलायतमा नाकको शल्यक्रिया, जसलाई राइनोप्लास्टी पनि भनिन्छ। कस्मेटिक सर्जरीमा सबैभन्दा बढी लोकप्रिय छ । अनुसन्धाताका अनुसार सेल्फीको लोकप्रियताका बीच राइनोप्लास्टी गराउनेको संख्या बढेको छ ।अनुसन्धानमा समावेश ३० सहभागीले सेल्फीले अनुहारलाई कसरी प्रभावित गर्छ भन्नेबारे जान्ने कोसिस गरे । सहभागीले ३ मध्ये दुई सेल्फी १२ र १८ इन्चको दुरीमा फ्रन्ट क्यामराले खिचियो र एउटा सेल्फी ५ फिटको दुरीमा एउटा डिजिटल क्यामराबाट खिचियो । यी तीनै फोटो एकैपटक खिचियो ।

शोधमा समूहलाई नेतृत्व गर्ने डा. बर्दिया अमिरलाकले भने! “सेल्फीको शौख र राइनोप्लास्टीबीच विशेष सम्बन्ध छ । जब सेल्फीमा मानिसको अनुहार खराब देखिन्छ तब उनीहरु शल्यक्रिया गराउन पुग्छन् ।”

डिजिटल क्यामराबाट लिइएको फोटोको तुलनामा १२ इन्चको दुरीबाट खिचिएको सेल्फीमा नाक ६.४ प्रतिशत लामो र १८ इन्चको दुरीबाट खिचिएको सेल्फीमा ४.३ प्रतिशत लामो देखियो । १२ इन्चको दुरीबाट खिचिएको सेल्फीमा चिउँडोको लम्बाई पनि औसत १२ प्रतिशत कम पाइयो । यसमा नाक र चिउँडोको लम्बाईको अनुपातमा १७ प्रतिशतको वृद्धि भयो । अनुसन्धाताले सेल्फीमा अनुहार खराब देखिँदा मानसिक स्वास्थ्यमा पनि नकारात्मक प्रभाव पर्ने बताएका छन् ।