पल र पूजाको फिल्मले पाए सोचेको भन्दा बढी माया

काठमाडौँ, १५ फागुन खोज मिडिया । शुक्रबारदेखि प्रदर्शनमा आएको फिल्म हो ‘म यस्तो गीत गाउँछु २’ । हलमा दर्शक फर्काउने अपेक्षासहित रिलिज भएको फिल्मले सुरुवाती समय दर्शकको राम्रो साथ पाएको छ ।

फिल्मका वितरक करण श्रेष्ठ ‘क्रेजी’ ले फिल्मले शुक्रबार र शनिबार दर्शकको साथ राम्रो पाएको बताए । ‘फिल्मले शुक्रबार भन्दा शनिबार देशभरि नै राम्रो दर्शक पाएको छ’ वितरक श्रेष्ठले भने, ‘आज र अगामी दिनमा पनि राम्रो दर्शक पाउने हाम्रा आस हो ।’ १७ गते महाशिवरात्री र १९ गते ग्याल्पो ल्होछार गरेको कारण फिल्मको ब्यवसाय अझ राम्रो हुने अपेक्षा आफूले लिएको गरेका श्रेष्ठले सुनाए ।

कोरोना महामारीका कारण पटक पटक रिलिज सर्दै आएको फिलम प्रेमकथामा बनेको हो । सुदर्शन थापा निर्देशित फिल्ममा पल शाह, पूजा शर्मा, हरिहर अधिकारी, दिनेश डिसी, राजा राजेन्द्र पोखरेल, गणेश गिरी लगायतको मुख्य भूमिका छ ।