नेपालबाट ईराकमा रोजगारको लागि श्रम स्विकृतिको अवसर गराउन NRNA को माग

अन्तराष्ट्रिय,७ अक्टुबर। नेपाली राजदुतावास कुवेत र इराकका लागि महत्वपुर्ण विषयहरुमा अन्तरक्रिया कार्यक्रम भएको छ ।

महामहिम घनश्याम लम्साल इराकका राष्ट्रपती समक्ष अहोदा प्रमाणपत्र पेश गर्न आउनु भएको अवसरमा समय मिलाएर बग्दाद कोरल होटलको हलमा नेपाली श्रमिकहरु संग मिति 06 अक्टोबर 2025 का दिन अन्तरक्रिया कार्यक्रम राखिएको थियो । उक्त अन्तरक्रिया कार्यक्रममा भर्चुअल माध्यम बाट गैरआवासीय नेपाली संघ राष्ट्रिय समन्वय परिषद इराकका अध्यक्ष श्री बिनोद श्रेष्ठले निम्न बिषयहरुमा ध्यानाकर्षण गराउनु भएको छ।
१. अबैधानिक रुपमा भए पनि नेपाली श्रमिक निरन्तर रुपमा ठूलो संख्यामा इराक प्रवेश गरिरहदा भिजिट भिसामा प्रवेस गर्ने हुँदा विभिन्न समस्या झेल्न परिरहेको हुँदा कुटनैतिक तवर बाट पहल गरि कामदार भिषा ( WORKING VISA) नै दिने बाताबरण बनाउन आग्रह गर्नको लागि सुझाव ।

२. इराकभर रहेर नेपाल फर्कन चाहने इलिगल बसेका आम नेपालीलाई एक पटक आम माफी समय सिमा राखेर सिमित फाइन तिरी नेपाल फर्कनको निमित्त इराक सरकार संग कुटनैतिक पहल गर्नको लागि सुझाव ।

३. शव ब्यबस्थापनमा अत्यन्तै ढिला सुस्ती विशेष गरि बग्दादमा यथावत रहेको हुँदा ढिला हुनको कारण र ध्यानाकर्षण गराउनहुन साथै कुनै दुर्घटनाबाट भएको असामायिक घटनामा क्षेतिपुर्ती पारदर्शिता गराउन बारे सुझाव।

४. इराकमा कार्यरत श्रमिकहरुलाई नेपाल जादा फर्कनको लागि समस्या हुँदा इराकी वा कुर्दिस्तानका नवीकरण हुने अकामा देखाएर सिधै यात्रा गर्ने माध्यम बनाउनको लागि नेपाल सरकार संग आवस्यक छलफल गर्न र कुटनैतिक माध्यम बाट पहल गरि खुल्ला गरिदिन आग्रह गरिएको छ ताकी बिना एयरपोर्ट सेटिङ आउन पाइयोस् अन्यथा पुर्ण रुपमा इराक आउन बन्द गरियोस भन्ने माग राखिएको छ।

५. कुर्दिस्तानको अर्बिल र सुलेमानी , बग्दाद र किर्कुकमा गरि ८ नेपाली दाजुभाइ दिदिबहिनी विभिन्न केसमा हाल जेलमा रहेको जानकारी र आर्थिक समस्याको बारेमा जानकारी गराइएको छ

६. पर्यटन प्रबर्द्धनमा सहयोग पुगोस भन्ने हेतुले इराकी जनतालाई पनि नेपाल घुम्न जानको लागि भिसामा सहजीकरण गराउन ध्यानाकर्षण गराइएको छ।

७. राहदानी नवीकरणका समस्या लगाएत बैधानिक तवर बाट श्रम गरेर इराक आउनको निमित्त नेपाल सरकारले इराक सरकार संग कुटनैतिक पहल गरि बस्तु स्थिति बुझी सम्भावना भए सम्म श्रम गन्तब्यको रुपमा खुलाउन सुझाव लगाएत इराकमा रहेका विभिन्न समस्याका बारेम अवगत गराइएको छ।