चैत्र १४ गतेदेखि १७ गतेसम्म पोखरामा प्रथम नाडा प्रेजेन्ट्स् वाडा अटो शो २०२५ को आयोजना गरिने

पोखरा । सवारी साधन खरिद विक्री एवं आधुनिक प्रविधि विकासतर्फ सवारी धनी, सम्भावित ग्राहक एवं आम सर्वसाधारणको रुचि बडिरहेको अवस्थामा पर्यटनको राजधानी शहर पोखरामा पहिलो पटक नाडा बटोमोबाइात्म एशोसिएशन अफ नेपालको प्रस्तुतीमा पश्चिमाञ्चल अटोमोवाइल्स डिलर्स एशोशिएसनद्वारा चैत्र १४ गतेदेखि १७ गतेसम्म पोखरा-१२ स्थित अमरसिंह खेल्कुद मैदानमा प्रथम नाडा प्रेजेन्ट्स् वाडा अटो शो २०२५’ को आयोजना गरिने भएको छ।

बृहत अटो प्रदर्शनीमा गण्डकी प्रदेश सरकार तथा पोखरा महानगरपालिका प्रबर्द्धक रहेका छन् भने पोखरा उद्योग वाणिज्य संघ, यूनाइटेड क्लब पोखरा तथा प्रदर्शनी स्थल उपलब्ध गराई दिएर अमरसिंह मा.वि सहयोगी सस्था बनेका छन।

प्रदर्शनीको टिकटिड पार्टनरमा खल्ती एप, इन्टरनेट पार्टनरमा पोखरा इन्टरनेट फायर सेफ्टी सपोर्टमा हिटको प्रालि, अफिसियल इन्सुरेन्समा सगरमाथा लुम्बिनी इन्सुरेन्स (सलिको), ट्राभल पार्टनरमा स्वीफ्ट होलिडेज, हस्पिटालिटी पार्टनरमा होटल शारा, हस्पिटल पार्टनरमा नेपाल मनिपाल कलेज अफ मेडिकल साइनस (मनिपाल हस्पिटल) जस्ता प्रतिष्ठित सस्थाहरु रहेका छन् भने प्रदर्शनीको व्यवस्थापन मनोवल एक्सपोजिसन एण्ड म्यानेजमेन्ट सर्भिसेज (जेम्स) ले गरिरहेको छ।

नविनतम् सवारी साधनका मोडलहरू आधुनिक प्रविधिहरू तथा यस क्षेत्रका अन्य सेवा प्रदायकहरूको एकै थलोमा प्रदर्शन हुनुका साथै नाडा प्रेजेन्ट्स् बाडा अटो शो २०२५ मा स्थानीय एव देशभरबाट डिलर, उत्पादक, विक्रेता एवं ग्राहकहरूको भेलाले गण्डकी प्रदेशमा सवारी साधन र सम्बन्धित सम्पूर्ण क्षेत्रको विकास, बजारीकरण र विस्तारका लागि महत्वपूर्ण भूमिका निर्वाह गर्नेछ। साथै यस प्रदर्शनीले स्थानीय रुपमा देखिने वा महसुस गरिने विभिन्न व्यावसायिक समस्याहरूको चिनारी गर्ने तथा त्यसका सामाधानका विकल्पहरु खोज्ने साझा थलो बन्न सक्ने आयोजकको विश्वास छ।

राष्ट्रिय महत्वका आयोजनाहरू तथा स्थानीय विकासका कार्यक्रमहरू सवारी साधन बिना कल्पना मात्र पनि गर्न नसकिने अवस्था छ भने सर्वसाधारणको दैनिक जीवनलाई सहज एवं चलायमान बनाउनको लागि पनि सवारी साधन अत्यावश्यक वस्तुको रुपमा स्थापित भैसकेको छ। यम सत्दर्भमा प्रदर्शनीले बजारको मागलाई चित्रण गर्दै सवारी साधनको अपरिहार्यता बारे समस्टिगत धारणा बनाउन तथा त्यस अनुरुप नितिगत अग्रसर्ताका लागि पनि सहयोग गर्नेछ।

प्रदर्शनीमा १९ वटा ब्राण्डका ४-पाङ्ग्रे ६ वटा ब्राण्डका लाइट कमर्शियल ७ वटा ब्राण्डका २-पाङ्ग्रे लगायत लुब्रीकेण्ट, टायर ग्यारेज उपकरण, अन्य एशोसेरिजहरू तथा वित्तीय संस्थाहरुका २० वटा स्टलहरू रहने छन् भने प्रदर्शनीमा जिल्ला ट्राफिक प्रहरी कार्यालयको सहभागितामा सवारी साधन सुरक्षा सम्बन्धी जानकारी, सडक सुरक्षा तथा ट्राफिक नियम पालना सम्बन्धी विविध जानकारी मूलक कार्यक्रमहरू सञ्चालन गरिने छन् भने पोखरा लायन्स क्लवको सहयोगमा चैत्र १५ प्रदर्शनी परिसर भित्र रक्तदान कार्यक्रम समेत सञ्चालन गरिनेछ ।

गण्डकी प्रदेशमा पहिलो पल्ट हुन गइरहेको यस प्रदर्शनीमा TOYOTA, AMODA, ATHER, BAJAJ BYD CITROEN, DEEPAL, DONG FENG, HIGER, HYUNDAI, ISUZU, JAECOO, KAIΥΙ, ΚΑΜΑ, ΚΙΑ, LEAP MOTORS, LEV MAHINDRA, MG, NAAMI, NEW GONOW NISSAN, RIDDARA, ZEEKR, XPENG, ROYALENFIELD, SKYWELL SKYWORTH, SUZUKI, TATA, TRIUMPH, TVS, YAMAHA, जस्ता प्रख्यात ब्राण्डहरूका सवारी साधनहरु को सहभागिता रहने छ।

प्रदर्शनीको व्यापक प्रचार-प्रसारकालागि नाडा अटोमोबाइल्स एशोसिएशन अफ नेपाल पश्चिमाञ्बल अटोमोबाइल्स डिलर्स एशोशिएसन, गण्डकी प्रदेश अटोमोवाइल संघ, NYEF Pokhara र Zonta Club of Pokhara को संयुक्त आयोजनामा चैत्र ९ गते शनिवार बिहान ८ बजे पोखरा रंगशालाबाट शुरु भई अमरसिंह मैदानमा सम्पन्न हुने गरी मोटर न्याली पनि आयोजना गर्न लागिएको छ।

बन्दिपुर केबुलकार एण्ड टुरिजम लि ले डोर प्राइज स्पन्सर अन्तर्गत ३०० बटा केबुलकार टिकट उपलब्ध गराउने भए‌को छ र प्रदर्शनी अवलोकन गर्न आउने महानुभावहरूले टिकटमा गोलाप्रथाद्वारा सो केबुलकारको टिकट प्राप्त गर्न सक्नेछन् । PUIRO WATER DRINKING PARTNER को रुपमा रहेको छ। ४ दिनसम्म चल्ने अटो शोलाई ३५००० आगन्तुकहरूले अवलोकन गर्ने विश्वास लिएको छ ।