“सिजन मिडिया”द्वारा आयोजित प्रोफेसनल एचिभमेन्ट अवार्ड २०२४ भव्यताका साथ सम्पन्न

काठ्माण्डौं,२ असोज । सिजन मिडियाको १६औं स्थापना दिवस तथा संविधान दिवस २०८१को अवसर पारि आयोजना गरिएको एशियन प्रोफेसनल एचिभमेन्ट अवार्ड २०२४ भव्यताका साथ सम्पन्न भएको छ ।

कार्यक्रम कुपन्डोलस्थित होटल हिमालयनमा आयोजित उक्त कार्यक्रमबाट नेपाल लगायत एशियाका विभिन्न देशका सफल व्यवसायिक व्यक्तित्वहरु विभिन्न अवार्डबाट सम्मानीत हुनुभएको छ ।

असोज २ गते बूधबार साँझ सम्माननीय राष्ट्रिय सभाका अध्यक्ष नारायण प्रसाद दाहालको प्रमुख आतिथ्यमा सम्पन्न उक्त अवार्ड तथा सम्मान कार्यक्रममा ग्लोबल डिप्लोमेसि एण्ड इकोनोमिक एक्सिलेन्स अवार्डबाट नेपालका लागि समाजवादी गणतन्त्र भियतनामका मानार्थ वाणिज्य दूत समेत सम्मानित हुनुभएको हो ।

त्यसैगरी उद्यमी, व्यवसायी राजेश काजी श्रेष्ठ, आउटस्ट्याण्डिङ लिडरशीप इन बैंकिङ अवार्डबाट बैंकर सुनिल के.सी., लिडरशीप एक्सिलेन्स इन नेफ्रोलजी एण्ड पब्लिक हेल्थ सर्भिस अवार्डबाट चिकित्सक डा.अनिल पोखरेल, आइकोनिक बिजनेस आन्टरप्रिनरशीप अवार्डबाट उद्यमी व्यवसायी क्याबिनेट श्रेष्ठ, भिजनरी एडुकेटर एण्ड रिसर्च अवार्डबाट डा. स्वागत श्रेष्ठ, भिजनरी लिडर इन नन् लाइफ इन्सुरेन्स अवार्डबाट युगेश भक्त बाडे श्रेष्ठ, ग्लोबल एडुकेशन लिडरशीप अवार्डबाट महेन्द्र राज कँडेल, ग्लोबल पिस एण्ड ह्युमानिटेरियन लिडरशीप अवार्डबाट डा. पियारत्न महर्जन, आउटस्ट्याण्डिङ जर्नालिजम अवार्डबाट मनऋशी धिताल, डिस्टिङग्वीस्ड मिडिया प्रोफेसनल अवार्डबाट निर्मला शर्मा, मिडिया एण्ड फेसन आन्टरप्रिनरशीप अवार्डाबाट पूर्व मिस नेपाल एवं उद्यर्मी उषा खड्गी, एक्सिलेन्स इन् भिडियो जर्नालिजम अवार्डबाट शिव पंगेनी, डिजिटल फाइनान्स इनोभेटर अफ द इयर अवार्डबाट अमित अग्रवाल, आइकोनिक पर्फमर अवार्डबाट गायिका इन्दिरा जोशी, आउटस्ट्याण्डिङ लोकल गभरनेन्स अवार्डबाट शुक्र चुमन, सुनिता अधिकारीलाई वुमन आन्टरप्रिनरशी अवार्ड, डायस्पोरा लिडर इन मिडिया एण्ड कम्युनिटी अवार्डबाट प्रदीप तिमिल्सिना, इन्सिपायरिङ युथ आन्टरप्रिनरशीप अवार्डबाट डभिल सिंह राजपूत सम्मानित हुनुभएको छ ।

आ आफ्नो कर्म क्षेत्रमा लामो समयको निरन्तरता, उपस्थिति र उल्लेखनीय उपलब्धी संगै सो क्षेत्रको श्रीवृद्धिमा अतुलनीय योगदान दिएका विभिन्न नेपाली व्यवसायिक व्यक्तित्व बाहेक एशियन प्रोफेसनल अचिभेन्ट अवार्ड २०२४ले विभिन्न मुलुकका व्यवसायिक सफलता हात पारेका व्यक्तिहरुलाई पनि सिजन मिडियाले विभिन्न अवार्डबाट सम्मान गरिदैं आईरहेको छ । जस अन्तर्गत दक्षिण कोरीयाबाट इनोभेटिभ लिडरशीप इन एस्थेटिक एक्सिलेन्स अवार्डबाट मा डोङशु, पाकिस्तानका वाहेब सलिम चुङताईलाई फोटोजर्नलिजम अचिभमेन्ट अवार्ड, चीनका झाङ जिनसियाङलाई एग्रिकल्चरल इनोभेसन एण्ड ट्रेड लिडरशीप अवार्ड, भियतनामकी युई सिबाओलाई ग्लोबल ह्युम्यानिटेरियन एण्ड क्युलिनरी इनोभेटर अवार्ड, थाईल्याण्डकी वाडसना राईलाई एक्जेप्लेरी लिडरशीप अवार्ड, चीनका सु छुईलाई भिजनरी फोटोग्राफर एण्ड कल्चरल एड्भोकेशी अवार्ड, बंगलादेशका मोनिरुल इस्लाम शाबुजलाई एक्सिलेन्स इन् फोटोजर्नलिजम अवार्ड, पाकिस्तानका मोहशीन मशुद दारलाई एक्सिलेन्स इन् हस्पिटालिटी लिडरशीप अवार्ड, मलेसियाकी डा.जयामालिनी इएगानाथनलाई ग्लोबल एक्सिलेन्स इन् एजुकेशन एण्ड सस्टेनेबिलिटी अवार्ड तथा भारतका सिद्धार्थ चावलालाई पायनियर इन् ग्लोबल एक्सपान्सन एण्ड अपरेसनल एक्सिलेन्स अवार्ड प्रदान गर्नुभएको छ ।

उक्त कार्यक्रममा संचारकर्मी सहित विभिन्न क्षेत्रका आमन्त्रीत लब्ध प्रतिष्ठित व्यक्तिहरुको बाक्लो उपस्थितिका वीच सम्पन्न सो अवार्ड कार्यक्रममा विभिन्न अवार्डबाट सम्मानीत हुनुभएकाहरुलाई कार्यक्रममा प्रमुख अतिथि सम्माननीय राष्ट्रिय सभाका अध्यक्ष नारायण प्रसाद दाहालले अवार्ड हस्तान्तरण गर्नुभएको थियो। भने पूर्व भौतिक मन्त्री प्रकास ज्वाला र सांसद राजेन्द्र वजगाइले शुभकामना तथा बधाई मन्तव्य व्यक्त गर्नु भएको थिायो ।

उक्त कार्यक्रम फेसन कोरियोग्राफर एवं संचारकर्मी रोजिन शाक्यको संचालनमा सम्पन्न सो कार्यक्रम सिजन मिडियाका प्रमुख प्रदिप राज वन्तको स्वागत मन्तव्य संगै कार्यक्रम औपचारिक रुपमा उद्घाटन भएको थियो । सो अवार्ड कार्यक्रमलाई भव्य रुपमा सम्पन्न गर्नका लागि पूर्व मन्त्री समेत रहिसकेका माननीय एकनाथ ढकाल, वरिष्ठ संचारकर्मीद्धय किशोर श्रेष्ठ तथा खिल बहादुर भण्डारी, शिक्षाविद् हरि सिंह के.सी., व्यवसायी अमित शर्मा तथा वरिष्ठ फोटोपत्रकार हरि गोपाल प्रधान सम्मीलित सल्लाहार बोर्डको महत्वपूर्ण भूमिका रहि कार्यक्रमको सोभा बढाउनका निमित्त उपस्थित सम्पुर्ण अग्रज व्यक्तित्वहरुलाई कार्यक्रम सफल पार्न सहयोग गर्नु भएको भन्दै सिजन मिडियाका संचालक तथा निवर्तमान प्रधानमन्त्री पुष्पकमल दाहाल(प्रचन्ड) को सचिवालय आधिकारिक फोटोग्राफर समेत रहनुभएका फोटो पत्रकार प्रदिपराज वन्तले सामाजिक सन्जाल फेसबुकद्वारा सबैलाई धन्यवाद ज्ञापन गर्नुभएको छ ।