‘ चमेली फूलको हजुर ’ गीतको भिडियो सार्वजनिक

काठमाडौं । राजन श्रेष्ठ र माण्डबी त्रिपाठीको स्वरमा रहेको ‘ चमेली फूलको हजुर ’ गीतको म्युजिक भिडियो सार्वजनिक भएको छ । उक्त गीतमा सबिन कुमार तोलाङ्गीको निर्देशन रहेको छ । त्यसैगरी, उक्त गीतमा बसन्त घिमिरेको शब्द रहेको छ, भने भगवान भुजेलको संगीत रहेको छ । उक्त गीतको भिडियोमा उषा उप्रेती, साया भण्डारी, प्रिन्स युवराज कार्की र अनुराग थपलियको अभिनय रहेको छ ।

यस्तै, उक्त म्युजिक भिडियोमा करण सिंह चैसिरले छायांकन गरेका छन् । उक्त म्युजिक भिडियोको कोरियोग्राफरमा सन्देश वि.क. रहेका छन् , भने सहायक कोरियोग्राफरमा अर्जुन पोख्रेल रहेका छन् । उक्त गीतको रेकर्डिष्ट एवं एरेन्जमा बिपिन आर्चायका रहेको छन्, भने भिडियोको सम्पादन पदम सुवेदीले गरेका छन् ।

यसैगरी, उक्त गीतमा अनिल पाण्डे कार्यकारी निर्माता र शिवराज कार्की निर्माता रहेका छन् । उक्त म्युजिक भिडियोको सह – निर्देशक बिकल क्षेत्री रहेका छन् , भने गीतको भिडियो काठमाडौंका विभिन्न रमणीय स्थलमा छायांकन गरिएको थियो । कमल प्रसाद शर्माको निर्माण संयोजन रहेको म्युजिक भिडियोमा भुवन श्रेष्ठ व्यवस्थापकमा रहेका छन् ।

त्यस्तै, मिडिया संयोजकमा पत्रकार निराज रानाभाट रहेका छन् भने रविना थापा तोलाङ्गी र अनिमेषको श्रीङ्गारमा रहेको छ । उक्त गीतको म्युजिक भिडियो ओएसआर डिजिटल युट्युब च्यानल मार्फत सार्वजनिक गरिएको छ ।