युवावर्षमा हरितालिका तिज विशेष कार्यक्रम

पोखरा । पोखरा महानगरपालिका वडा नं. २१ फुस्रेखोला, कमेरेमा अवस्थित युवावर्ष आधारभूत विद्यालयमा अन्तर सदनात्मक तीज गित तथा नृत्य प्रतियोगिता साथै दरखाने कार्यक्रम सम्पन्न भयो ।

गुणस्तरिय शिक्षा युवावर्षको शान, कला र संस्कृति हाम्रो पहिचान भन्ने म्ुल नाराका साथै कक्षा नर्सरी देखि कक्षा २ र कक्षा ३ देखि ६ सम्म तिज गीतमा नृत्य गर्दै म्यूजिकल चियर प्रतियोगिता भएकोमा अन्तर सदनात्मक नृत्य प्रतियोगितामा आशिका कडेंल प्रथम, प्रिया परियार दोश्रो र पवित्रा कुमाल तेश्रो भएका थिए । आशिका कडेंल र पवित्रा कुमाल रेड हाउस र प्रिया परियार ग्रिन हाउस सदनबाट सहभागि भएका थिए ।

त्यसै गरी सान्त्वना पुरस्कार ग्रिन हाउसकी संगम परियारले र उत्कृष्ट भेषभुषामा नेहारिका चौधरीले पुरस्कार प्राप्त गरेका थिए । विद्यार्थीका साथै शिक्षक, कर्मचारीहरुको पनि सहभागिता रहेको उक्त प्रतियोगिताको संचालन प्रधानाध्यापक विष्णु प्रसाद पहारीले गर्नुभएको थियो ।