पोखरा १९ लामाचौरमा २ दिवसीय निःशुल्क बृहत स्वास्थ्य शिविर सम्पन्न

पोखरा । ससरधारा सहकारी तथा फाउन्डेशन र इन्द्रधनुष इन्भेष्टमेन्ट प्रा.लि पोखराको संयुक्त आयोजनामा यही श्रावण १८ र १९ गते पोखरा १९ लामाचौरमा २ दिवसीय निःशुल्क बृहत स्वास्थ्य शिविर सम्पन्न भएको छ।

आइबोस् ग्लोबल लाईफ इन्टरनेशनल र नेट फ्रेस हस्पिटलको बिशेष सहयोगमा सञ्चालित उक्त स्वास्थ्य शिविर मा ३७५ जनाले निःशुल्क स्वास्थ्य जाँच, परामर्श तथा थेरापी सेवा लिन सफल भएको थियो।
ससरधारा सहकारी संस्थाका अध्यक्ष श्री मन बहादुर फकामी ज्युको अध्यक्षतामा सञ्चालित उक्त कार्यक्रममा ससरधारा फाउन्डेशनको अध्यक्ष श्री खिम बहादुर फकामी पुन र इन्द्रधनुष इन्भेष्टमेन्ट प्रा.लि को अध्यक्ष श्री ओम बहादुर पुनको नेतृत्वमा सञ्चालित उक्त स्वास्थ्य शिविरमा पोखरा बासी सम्पूर्णले निःशुल्क स्वास्थ्य जाँच, परामर्श, प्राकृतिक उपचार, प्राकृतिक जीवनशैली बारे महत्वपूर्ण स्वास्थ्य सचेतना कार्यक्रम पनि सञ्चालन भएको थियो।

यस दुई दिवसीय कार्यक्रम सहकारीका अध्यक्ष श्री मन बहादुर फकामी ज्युको अध्यक्षतामा, आइबोस ग्लोबल लाईफका अध्यक्ष राज कुमार दङ्गाल ज्युको प्रमुख आतिथ्यमा, नेट फ्रेस हस्पिटलको अध्यक्ष डा. गोविन्द हुमागाईं को बिशेष आतिथ्यमा भब्यताका साथ सम्पन्न भएको थियो।

स्वदेशमै केही गरौं, विदेश त घुम्न जाऔं भन्ने नाराका साथ हरेकलाई स्वस्थ बनाउने र रोजगारीको सिर्जना गरेर आत्मनिर्भर युवा उत्पादन गर्ने उद्देश्यका साथ अभियान अघि बढी रहेको कुरा इन्द्रधनुष इन्भेष्टमेन्ट प्रा.लि को अध्यक्ष श्री ओम बहादुर पुनले बताउनुभयो।