मायामा परेको झगडा परालको आगो भन्छन्”कवि खोजराज गोले”

आँखा बनी दिउँला म, तिमी नानी बनिदिनु !!
पिरतीको मेरै संसार- तिमी सानी बनिदिनु !!!

अन्तै फूलका बगैँचामा हराइनु हुन्न मैले !!!!
कर्मीमौरी हुँदा नि म, तिमी रानी बनिदिनु !!

पागल हुँला यस्सै कैले गुमाउँदै संयमता !!!!
मुस्कुराउँदै मायाको तिमी खानी बनिदिनु !!

तिम्रै यादमा हरसाँझ जून अनि तारा हेर्दै !!!!
लोलाउने मेरो आफ्नै तिमी बानी बनिदिनु !!

कैले कैले भ्रममा पर्नु स्वाभाविकै मान्नुपर्छ !
आगो भएँछु भने म, तिमी पानी बनिदिनु !!
“कवि खोजराज गोले”