नेपाल आर्मीका एक जवान श्रीमतीको हत्या गरी फरार

काठ्माण्डौ,२५ जेठ। दाङको तुलसीपुरमा नेपाल आर्मीका एक जवान श्रीमतीको हत्या गरी फरार भएका छन्।

शुक्रबार बिहान सवा ८ बजेतिर तुलसीपुर उपहानगरपालिका– ६ लुङ्ग्री टोलमा श्रीमती २७ बर्षीया टीका बुढाथोकीको हत्या गरी ३६ बर्षीय शालिकराम बुढाथोकी फरार भएका हुन्।
खुकुरी प्रहार गरी शालिकरामले श्रीमती टीकाको हत्या पछि फरार भएको र खोजी भइरहेको इलाका प्रहरी कार्यालय तुलसीपुरका प्रवक्ता प्रहरी निरीक्षक प्रकाश थापाले बताए।

‘खुकुरी प्रहार गरी श्रीमतीको हत्या गरेपछि उनी खुकुरीसहित फरार भएको भन्ने छ,’ थापाले भने, ‘ स्थानीयले हातमा खुकुरी लिएर हिँडिरहेको देखेको बताएका छन्। स्थानीय पनि त्रसित छन्।’उनको खोजी जारी रहेको प्रहरीले जनाएको छ। घटनाबारे  थप अनुसन्धान हुन बाँकी रहेको पनि प्रहरीले जानकारी दिएको छ।