श्रद्धेय धर्म गुरु खेन्पो शिर लामाद्वारा पेमा धेछेन्लिङ गुम्बामा धार्मिक प्रवचन सम्पन्न

पोखरा ६, खोज मिडिया । २५६८औं बुद्द जयन्ती एवंम सागा दावा तिथिको अवसर पारेर बुद्द जयन्ती मूल समारोह समिति कास्कीको सप्ताहव्यापी तथा धार्मिक प्रवचन कार्यक्रम भव्यताका साथ सम्पन्न भएको छ ।

बुद्द जयन्ती मूल समारोह समिति कास्कीको सप्ताहव्यापी कार्यक्रम अनुसार बैदाम तामाङ सेवा समाजले धार्मिक प्रवचन कार्यक्रम आयोजना गरिएको हो ।

उक्त धार्मिक कार्यक्रम “पेमा धेछेनलिङ” गुम्बामा गुरुङ लामा सघं नेपालको अध्यक्ष श्रदेय धर्म गुरु खेन्पो शिर लामाद्वारा बुद्द जिवनी र प्रज्ञा पारमिताको विषयमा धर्मदेशना प्रवचन कार्यक्रम शनिवारका दिन “पेमा धेछेनलिङ” गुम्बा खहरे स्थित सम्पन्न भएको छ ।

शनिवार बिहान औपचारिक कार्यक्रमको उद्घाटन भएको थियो । कार्यक्रमको उद्दघाटन सोही कार्यक्रमका प्रमुख अतिथि श्रद्देय धर्म गुरु खेन्पो शिर लामाद्वारा बत्ति (छुमे) बालेका थिए भने वडा नं-६ का वडा अध्यक्ष विष्णु बहादुर भट्टराईले कोको म्हेन्दोको फुल बर्साएर कार्यक्रमको उद्दघाटन गरिएको थियो । सोहि कार्यक्रमको स्वागत मन्तव्य पेमा धेछेन्लिङ गुम्बाका प्रमुख धर्म गुरु लामा पाल्देन तामाङ योन्जनले व्यक्त गर्नुभएको थियो ।

पवित्र धार्मिक कार्यक्रममा विशेष गरी बुद्दको ज्ञान, प्रवचन कार्य रहेका थिए । धार्मिक प्रवचन कार्यक्रमका प्रमुख अतिथि श्रद्देय “धर्म गुरु खेन्पो शिर लामा”ले बुद्दको जन्म र बुद्दत्व बारे विशेष प्रवचन वाचन गर्नुभएको थियो ।

उक्त कार्यक्रमका सभाध्यक्ष बुद्द जयन्ती समारोह समितीका अध्यक्ष क्याप्टेन चन्द्र प्रसाद गुरुङ रहनुभएको थियो । त्यस्तै गरी वडा नं ६ का वडा अध्यक्ष विष्णु बहादुर भट्टराईले “शुभकामना मन्तव्य व्यक्त गर्नुभएसगैं पेमा धेछेनलिङ गुम्बा धार्मिक रुपमा प्रख्यात छदैछ ,अझै धेरै पर्यटनलाई लोभ्याईएको र पर्यटकिय स्थल समेत बनेको हुंदा उक्त गुम्बालाई वडा नंः६ले बैदाम समाजका अध्यक्ष ज्याक तामाङसगं समन्वय गरि गुम्बा संमरक्षणमा अझै सहोयोग पुर्याउने बताउनुभयो ।” त्यस्तै नेपाल तामाङ घेदुङ संघिय उपाध्यक्ष दिपक वाईवा,आमा समुहको तर्फवाट खहरे आमा समुहका अध्यक्ष शान्ती पहारी लगायतका व्यक्तिहरुले शुभकामना मन्तव्य व्यक्त गर्नुभएको थियो ।

त्यसैगरी ने.ता.घे. संघिय उपाध्यक्ष दिपक वाईबाले अहिले सम्म बुद्द धर्म तामाङ जातिहरुले मात्रै जोगाउंदै आईरहेको कुरा प्रस्ट पार्नुभयो । नेपालमा पछिल्लो धार्मिक द्वन्द भईरहेको अवस्थामा विभिन्न जातिहरु आफ्नो धर्म र परम्परा छाडेर अरुको नक्कल गर्दै आईरहेको हुंदा तामाङ जातिहरुले परम्परादेखिनै बुद्द धर्म मान्दै आएको अहिले सम्म मानिरहेकोले गर्दा तामाङ जातिहरुले मात्रै बुद्द धर्म जोगाईदै आईरहेको कुरालाई खुलेर प्रस्ट पार्नुभयो।

यसरी परम्परादेखि मान्दै आईरहेको बुद्द धर्म अहिलेको समयमा अझै धेरै बुद्द धर्मलाई विश्वास राख्ने, बु्द्दको जन्मत्व र प्रवचन सुनेर उपस्थित भक्तजनहरुले खुसि व्यक्त गर्नुभएको थियो । उक्त औपचारिक धार्मिक कार्यक्रम मिस तामाङ पोखरा २०२३ का बिजेत एवमं बैदाम तामाङ सेवा समाजका सहसचिव रोश्मा तामाङले सन्चालन गर्नुभएको थियो ।