सेवाका लागि युवा संस्थाको अध्यक्ष छेवाङ कर्मा तामाङ सम्मानित

पोखरा, सीपाडोल क्षेत्र परोपकार समाज भक्तपुरको छैटौ साधारण सभाको अवसरमा आयोजित सम्मान कार्यक्रम अन्तर्गत सेवाका लागि युवा- (Youth For Seva), संस्था पोखरा कास्कीबाट संस्थाको अध्यक्ष छेवाङ कर्मा तामाङ सम्मानित हुनुभएको छ ।

राष्ट्र र राष्ट्रीयता, युवा जमातमा सकारात्मक तथा सृजनात्मक सोचको विकास, धर्म संस्कार र संस्कृतिको संरक्षण तथा विकृतिको उन्मूलन साथै युवा हरूलाई सेवाको भावना विकास गर्दै कोभिड-१९ को प्रकोपका समयमा धेरै मानिसहरूको ज्यान बचाऊनका लागि विभिन्न स्वास्थ्य सामग्री पूर्याई मानवीय कल्याणको कार्यमा सहयोग गरेको कार्यलाई मूल्यांकन गर्दै उहांलाई सम्मान गरिएको हो ।

माननीय सदस्य बागमती प्रदेशका सभासद श्री किरण थापामगरको उपस्थितिमा उहांलाई प्रमाण पत्र तथा फुलमाला द्वारा सम्मान गरिएको परोपकार संस्थाका सह- सचिव शिव प्रसाद लोहलले बताउनु भताउंनुभयो। ।