प्रहरीले बाइक मोडिफाई गरि होहल्ला मच्याउदै हिड्ने बाइकलाई नियन्त्रणमा लिइएर करवाहि

कास्की, २० फागुन । पोखराको बिभिन्न ठाउँबाट प्रहरीले बाइक मोडिफाई गरि होहल्ला मच्याउदै हिड्ने बाइकलाई नियन्त्रणमा लिइएर करवाहि गरेको छ । उक्त बाइकहरु जिल्ला प्रहरी कार्यलय कास्की र जिल्ला ट्राफिक प्रहरी कार्यलय कास्कीको संयुक्त प्रयासमा नियन्त्रणमा लिइएको हो । आइतबार जिल्ला प्रहरी कार्यलय कास्कीमा पत्रकार सम्मेलनको आयोजना गरि बुलेट,क्रसफायर,पल्सर केटिएम डुक नामका बाइकहरु नियन्त्रणमा लिइएर कारवाहि गरिएको जानकारी दिइएको हो ।

स्वरुप परिर्वतन गरि एकदमै पडकिने वाइकलाई गएको भदौ महिना देखि शुरु गरिएको अभियानमा पहिलो पटक २२ वटा नियन्त्रणामा  लिइएको थियो र पहिलो पटक अभिभावको रोहवरमा ट्राफिक जरिवाना काटेर छोडिएको थियो । अहिले सम्म ६ सय ८१ वटा बिभिन्न कम्पनिका बाइकहरु नियन्त्रण लिइएको कास्की प्रहरी प्रमुख एसपि मोहनकुमार थापाले जानकारी दिए । उक्त बाइकहरु बाट ७लाख ४२ हजार ७ सय राजस्व समेत संकलन भएको छ ।

यस्तै पछिल्लो पटक ३ दिनको अबधिमा ५९ वटा मोटरसाइकल नियन्त्रणमा लिइएको उनले खुलाएका छन्  ।यसरी पक्राउ परेका हरुलाई पहिलो पटक भएको खण्डमा ट्राफिक जरिवान मार्फत छोडिने र १ पटक भन्दा बढि भएको खण्डमा कारवाहिको लागि यातायात कार्यलय पठाउने एसपि थापाले जनाएका छन्  । एसपि थापाका अनुसार अब वर्कसप वालाहरु पनि कारवाहि गरिने बताए । सवारी तथा यातायात व्यवस्था ऐन, २०४९ को दफा ३९ मा स्वरुप परिवर्तन, पार्टपुर्जा थप्न वा घटाउन रंग परिवर्तन गर्न नपाईने व्यवस्था रहेको छ ।