ठकुरी बस्तीमा खुल्ला पुरुष भलिबल प्रतियोगिता सुरु

पोखरा । रुपा गाउपालिका स्थित गोर्खा कालिका युवा क्लबको १९ औ बार्षिकोत्सवको अबसरमा आयोजित साविक वडा पुरुष भलिबल प्रतियोगितामा प्रमुख अतिथी एमाले युवा नेता राजन सुवेदीले व्यानरमा हस्ताक्षर गरेर तथा रुपा -४ का जेष्ठ नागरिक घन बहादुर बंशी ठकुरी द्वारा खेलाडीलाई बल हस्तान्तरण गरेर उद्घाटन भयो ।

उद्घाटन खेल विश्वकर्मा समाज, स्याङ्जा र आयोजक बिच भएको मा २५-२२ र २५-१७ मा विस्वकर्मा समाज स्याङ्जा बिजयी भएको थियो ।

दोस्रो खेल कायापलट असल शासन क्लब लमजुङ र नव परिवर्तन युवा क्लव, रुपा-४ गैह्रापोखरी विच भएको मा २५-१७ र २५-१९ मा कायापलट, लमजुङ विजयी भएको थियो।

साथै घैटो फोर (अन्धो सिकारी) खेलमा आषिक शाही ठकुरी ले घैटो फोर्न सफल भएका छन् ।

क्लबले स्थापनाकाल २०६१ देखि नियमित रूपमा भलिबल प्रतियोगिता गर्दै आएको मा यस बर्ष २०८० माघ १४ देखि ३ दिनसम्म आयोजना हुन गइरहेको साविक वडास्तरीय पुरुष भलिबल प्रतियोगिता हुने क्लबका अध्यक्ष होम बहादुर ठकुरीले बताए ।

प्रथम पुरस्कार नगद ५० हजार ट्रफी, मेडल/प्रमाणपत्र र द्वितीय पुरस्कार नगद ३० हजार ट्रफी, मेडल/प्रमाणपत्र त्यसैगरी उत्कृष्ट विधाहरू तर्फ बेस्ट प्लेयर, बेस्ट स्पाइकर, बेस्ट सर्भर, बेस्ट लिब्रो र बेस्ट ब्लकरलाई आकर्षक पुरस्कारको ब्यबस्थापन गरिएको आयोजकले बताए ।