लहानमा अन्तर्राष्ट्रिय महोत्सव लहान एक्स्पो हुदै

शम्भु चौधरी, लहान ११ माघ । जिल्ला उधोग वाणिज्य संघ सिरहाको आयोजनामा लहानमा मधेश प्रदेश अन्तर्राष्ट्रिय महोत्सव २०८० लहान एक्स्पो संचालन हुने भएको छ ।
अन्तर्राष्ट्रिय महोत्सव लहान एक्स्पो २०८० चैत्र २९ गते देखि २०८१ बैशाख ९ गते ११ दिन सम्म चल्ने जिल्ला उधोग वाणिज्य संघका अध्यक्ष बिकाश शारदाले बिहिबार पत्रकार सम्मेलन मार्फत जानकारी गराउनु भएको छ ।

लहान एक्स्पो १ करोड २० लाखको लगानीमा सञ्चालन हुनेछ भने १ करोड ५० लाख जति सम्म आम्दानी हुने लक्ष्य लिइएको मधेश प्रदेश अन्तर्राष्ट्रिय महोत्सव २०८० लहान एक्स्पोका कार्यक्रम संयोजक अशोक अमात्यले जानकारी गराउनु भएको छ ।
नेपाल भारत पाकिस्तान र बंगलादेशका लगानी कर्ता एउटै मंचमा भेला गराई समानहरुको प्रत्यक्ष अवलोकन तथा जानकारी गराईने विशेषता रहेको छ । महोत्सवमा लगभग १ सय ५० वटा स्टल रहने बताईएको छ ।
महोत्सवमा विभिन्न खाले संस्कृतिक कार्यक्रम, खेल फैशन शो लगायतका कलाहरु प्रस्तुत गरिनेछ । लहान नगरपालिकाको संरक्षत्व रहने महोत्सवमा विभिन्न मंत्रालयहरुको साथ सहयोग रहने सम्मेलनमा बताईएको छ ।
महोत्सव प्रवेशका लागी सय रुपैया शुल्क राखिएको छ भने विधार्थीहरुको लागी नि शुल्क रहेको छ । राष्ट्रिय तथा अन्तराष्ट्रिय कालाकारहरुको सहभागी रहने सो महोत्सवका २ लाख दर्शकले अवलोकन गर्ने बताईएको छ ।