पोखरा कप अन्तर क्लब स्तरीय पुरुष भलिबलको फाइनलमा पर्वत र टफ गोर्खा भिड्दै

पोखरा । पोखरा महानगर भलिबल संघको आयोजनामा पौष १४ गते देखि जारी पोखरा कप अन्तर क्लब स्तरीय पुरुष भलिबल प्रतियोगिताको फाइनल खेल आइतबार हुने भएको छ । फाइनलमा पर्बत भलिबल क्लब र टफ गोर्खा टिम बीच प्रतिस्पर्धा हुन छ ।

शनिबार सम्पन्न क्वाटर सेमिफाइनल प्रतियोगितामा गलकोट नगरपालिकाले गुरुकुललाई २५-१९, २५-२२ र २५-१९ को सोझो सेटमा पराजित गरेको थियो ।

त्यसैगरी पहिलो सेमिफाइनल खेलमा पर्वत भलिबल क्लबले सिद्धार्थ लभडेललाई २५-१९, २५-२० र २५-२० ले जितेको थियो भने दोस्रो सेमिफाइनल खेलमा तफ गोर्खाले गलकोट नगरपालिकालाई ११-२५, २५-२१, २५- २३, र २५-५ को अन्तरले पराजित गरेको थियो ।

प्रथमलाई एक लाख ११ हजार एक सय ११, दोस्रो हुनेलाई ७७ हजार सात सय ७७, बेस्ट प्लेयर लाई १० हजार, बेस्ट सेटर ३ हजार, बेस्ट डिफेन्डरलाई ३ हजार, बेस्ट सर्भर ३ हजार र बेस्ट बल्करलाइ ३ हजार नगद, कप र प्रमाणपत्र प्रदान गरिने अध्यक्ष राम लामिछानेले बताए ।

प्रतियोगितामा गलकोट भलिबल क्लब, पोखरा महानगरपालिका निलो, पोखरा महानगरपालिका रातो, पर्वत भलिबल क्लब, बसुन्धरा पार्क क्लब, गुरुकुल माबी, सिद्धार्थ लभडेल माबी, टफ गोर्खा सहभागी छन् ।

प्रतियोगिताको प्रायोजकमा पोखरा महानगरपालिका कार्यालय वडा नं ६ र कास्की पोखरा समाज जापान, सहप्रायोजकमा सुबिन गुरुङ र सन्दिप गुरुङ रहेका छन् भने प्रबर्द्धकमा पोखरा महानगरपालिका कार्यलय, पोखरा महानगपालिका खेलकुद बिकास समितिको समन्वय र रेबान पोखराको बिशेष सहयोग रहेकोे छ ।