पेमा धेछेनलिङ गुम्बाको राप्ने तथा विश्व शान्ति पूजाको दोश्रो दिन

कास्की, ३ मंसिर । पोखरा लेकसाईड खहरे स्थित पेमा धेछेनलिङ गुम्बाको राप्ने(प्राण प्रचिष्ठा) प्रज्ञापारामिता त्रिपिटक कंग्युर पाठ वाचनको आज दोस्रो दिन सम्पन्न भएको छ ।

बैदाम तामाङ सेवा समाजद्वारा आयोजित उक्त पूजा आज बिहान छ ६ बजेबाट सुरु भएको हो । सोहि गुम्बामा आज बिहान ७ बजेबाट विश्व शान्ति मंगलपाठ (रिवसाङ) पूजा भएको थियो । त्यसैगरी बिहान १० बजे कोन्छ्योग चिदुई समुच्च पूजा भएको थियो ।

त्यसैगरी पञ्चासे बुद्ध बिहारका संस्थापक प्रमुख लामा धर्म गुरु मिन गुरुद्वारा विशेष प्रवचन दिनुभएको थियो । उहांले सम्पुर्ण धर्म प्रति आस्थावान रहनुहुनेसम्पुर्णमा दान किन ?र कसरी के को लागि गर्ने ?भन्ने विषयमा प्रकाश पार्नुभयो । मानिस र जनावरमा को महत्वपूर्ण हुन्छ, भन्ने विषयमा उदाहरण सहितप्रस्ट पार्नुभयो ।

सोहि स्थलमा मारा त्रैथिक (ज्युङपो) नृत्य र श्रदय गुरु पाल्देनद्वारा

प्रवचन सहित छ्याम डांकिनी नृत्य प्रस्तुत गरि उक्त नृत्य को बारे प्रकाश पारिएको थियो ।

त्यसैगरी भोलि मंसिर ४ गते बिहान दैनिकि पूजापाठ लगतै प्रवचन सहित गुम्बा कु राप्ने छ्याम , लामा गुरुहरुबाट विभिन्न थरिका धार्मिक नृत्य रहने छ ।