यो वर्ष नयाँ नेतृत्व नेपाल तामाङ कलाकार संघले पाउने तर्खरमा
614 Views
खोज मिडिया ।
काठमाडौँ, १९ भदै । काठमाडौँ जिल्लामा अवस्थित नेपाल तामाङ कलाकार संघको १६ औं बार्षिक साधारणसभा तथा आठौँ अधिवेशन मनाउने तयारी भएको छ ।
नेपाल तामाङ् कलाकार संघको १६ औं बार्षिक साधारणसभा तथा आठौँ अधिवेशन यहि भाद्र २३ गते हुने जनाएको छ ।
काठमाडौँ जोरपाटी स्थित “याङ्रिमा हिल” सिटिमा भदौ २३ गते हुने अध्यक्ष विश्व दोङले बताएका छन्। उक्त कार्यक्रममा बागमती प्रदेश सरकारको खानेपानी, उर्जा तथा सिँचाइ मन्त्री माननिय तिर्थ लामा प्रमुख आतिथ्य रहने भएको छ ।
यस अघि संस्थापक अध्यक्ष चन्द्र कुमार दोङले ३ कार्यकाल संघको नेतृत्व गरेका थिए भने चन्द्र कुमार दोङ पछिका दोस्रो अध्यक्ष इन्दिरा गोलेले संघको १ कार्यकाल मात्र नेतृत्व गरि तेस्रो अध्यक्षको रुपमा सञ्जिव वाईबालाई नेतृत्व हस्तान्तरण गरे लगतै तामाङ कलाकार संघले दोस्रो पुस्ताका कलाकारको नेतृत्व पाएका थिए । सञ्जिव वाईबाले संघको २ कार्यकाल नेतृत्व गरेका थिए ।
यत्तिबेला तामाङ् कलाकार संघको अध्यक्ष चर्चित गायक तथा संगीतकार विश्व दोङ तामाङ रहेका छन् । कार्यकालको हिसाबले १ कार्यकाल उत्साहजनक रुपमा संघको नेतृत्व गरे संगै यो बर्ष फेरी नयाँ नेतृत्व नेपाल तामाङ कलाकार संघले पाउने भएको छ । संघमा हाल चारसयको हारहरीमा तामाङ कलाकारहरु आबद्ध रहेको जनाएको छ ।
प्रतिक्रिया दिनुहोस