बियोन्ड एजुकेसनमा अमेरिकी र नेपाली विद्यार्थी बीच अन्तरक्रिया कार्यक्रम हुने

पोखरा । बियोन्ड एजुकेसन कन्सल्टेन्सी तथा बियोन्ड एजुकेसन एण्ड इमिग्रेसन सर्भिसेज पोखरामा अमेरिकीको हार्डिङ बिश्वविद्यालयका विद्यार्थी र नेपाली विद्यार्थीहरुका बीच अन्तरक्रिया हुने भएको छ ।

अमेरिकीको आर्कन्ससबाट ज्याकोब रेल्स र रेबिका रेल्स, टेनिसीबाट आइज्याक एस्टोन र न्यु ह्याम्स फेयरबाट मेकेला डुटिल हाल पोखरा आइअपुगेका छन् ।

कम्प्युटर साइन्स, नर्सिङ र धर्म तथा संस्कृतिको बिषयमा अध्ययनरत तथा पढाई सकेका उनिमार्फत नेपालबाट अमेरिकी विश्वविद्यालयमा अध्ययन गर्न इच्छुक विद्यार्थीले त्यहाँको बारेमा नजिक बाट सिक्न सक्नेछन् ।

बियोण्ड एजुकेसनका प्रबन्ध निर्देशक सुरेश थिङका अनुसार यही असार २२ गते शुक्रबार नेपाली विद्यार्थीहरु संग अन्तरक्रिया गर्दै छन् ।

उक्त कार्यक्रमले अमेरिकीका विश्वविद्यालयहरुमा अध्ययन गर्दाका सम्भावना र चुनौतीहरुका बारेमा धेरै भन्दा धेरै जानकारी लिन सक्ने थिङ्ले बताए ।