परराष्ट्रका नासु भण्डारी बेगनास तालमा मृ*त फेला

कास्की, २५ वैशाख । परराष्ट्र मन्त्रालयमा कार्यरत नासु अनुप भण्डारी पोखरा लेखनाथको बेगनास तालमा मृत फेला परेका छन् ।

अन्दाजी ३१ वर्षीय भण्डारीको शव सोमबार बेगनासतालमा तैरिएको अवस्थामा फेला परेको जिल्ला प्रहरी कार्यालय कास्कीका डीएसपी श्रवणकुमार विकले जानकारी दिए ।

बेगनास तालको छेउमा घोप्टो परेको अवस्थामा उनको शव फेला परेको हो । श*व पोस्टमार्टमका लागि पश्चिमाञ्चल क्षेत्रीय अस्पताल ल्याइएको छ ।

उदयपुर घर भएका उनी आइतबार घुम्न पोखरा आएको प्रारम्भिक अनुसन्धानबाट खुलेको डिएसपी विकले जानकारी दिए । “घटनाबारे थप अनुसन्धान भइरहेको छ!” उनले भनेका छन् ।