शिव -तुलसी छन्दरथी पुरस्कार माधब वियोगीलाई
181 Views
असफल गौतम /पोखरा । दधिस्मृति साहित्य समाज कपिलबस्तुद्वारा संचालित शिव-तुलसी छन्दरथी साहित्य पुरस्कार-२०७९ छन्द बचाऊँ अभियान-२०५३ का संचालक माधव वियोगीलाई प्रदान गरिने भएको छ ।
छन्द बचाऊँ अभियान-२०५३ र महाकाव्यलेखन अभियान-२०६० का माध्यमबाट विशिष्ट योगदान दिएवापत उनलाई सो पुरस्कारका लागि चयन गरिएको जानकारी प्राप्त भएको छ ।
समाजका संस्थापक अध्यक्ष एवम् प्रमुख संरक्षक ऋषिकेशव भारद्वाजको अध्यक्षतामा सोमबार बसेको समाजको बैठकले सो निर्णय गरेको हो ।
८ महाकाव्यहित ३१ कृति प्रकाशित गरिरहेको वियोगी छन्दनायकका रुपमा परिचित छन् । पुरस्कार फागुन ९ गते एक समारोहबीच अर्पण गरिने भएको छ ।
वियोगी यसअघि कृष्णकुमारी गुरुङ स्मृति पुरस्कार, दुल्लभ लामिछाने पुरस्कार, रत्न श्रेष्ठ पुरस्कार, महाकवि देवकोटा पुरस्कार, प्रतिभा पुरस्कार, लेखनाथ पौडेल सम्मान, पल्लव साहित्य सम्मान, जनप्रिय प्रतिभा सम्मान, गेरुअम्बिका स्मृति वाणी सम्मान, राधालक्ष्मी साहित्य पुरस्कारलगायतका सम्मान पुरस्कारबाट विभूषित भइरहेका छन् ।
प्रतिक्रिया दिनुहोस