लालीगुराँस टोलको अध्यक्षमा सरस्वती

सागर कार्की, पोखरा।

लालीगुराँस टोल विकास संस्था पोखरा ८ को १३ औं साधारणसभा तथा ७ औं अधिवेशनले सरस्वती गिरीको अध्यक्षतामा नयाँ कार्यसमिति चयन गरेको छ।

उपाध्यक्षमा कृष्णकुमारी क्षेत्री थापा, सचिवमा सुनिता गिरी, कोषाध्यक्षमा दुर्गा थापा, सहसचिवमा ईना कार्की र सहकोषाध्यक्षमा गंगा गिरी रहेका छन। त्यस्तै सदस्यहरूमा तारा गिरी, गंगा कार्की, भोजमाया भण्डारी, सृजना रिजाल कार्की, खिमा गिरी, अनुषा गुरूङ, विष्णु खत्री, ज्ञानु गिरी र एक सदस्य मनोनित गरिने बताईएको छ।

प्रमुख अतिथि पोखरा महानगरपालिका वडा नं ८ का अध्यक्ष रूद्रनाथ बरालले वडालाई सुन्दर र व्यवस्थित बनाउन संस्थाले खेलेको भुमिकाको प्रसंषा गर्दै आत्मनिर्भर एवं स्वरोजगारमूलक तालिमहरूको आयोजनालाई प्राथमिकतामा राख्न सुझाव दिएका छन। वडावसीहरूको समस्या र गुनासोलाई तत्कालै समाधान गर्न वडा सधैं तत्पर रहेको जानकारी गराउँदै उनले सक्दो सहयोग गर्ने प्रतिवद्धता व्यक्त गरेका थिए।

कार्यक्रममा निवर्तमान अध्यक्ष मानकुमारी बराल, सल्लाहकार संयोजक मेनुका बराल, सृजना विकास केन्द्रका पूर्व अध्यक्ष सोमनाथ बराल, संस्थापक अध्यक्ष ज्येष्ठ नागरिक ईन्द्रा कार्की, सृजना महिला बचत तथा ॠण सहकारी संस्थाका अध्यक्ष, स्वतन्त्र पत्रकार संघका संस्थापक अध्यक्ष एवं आदर्श समाज दैनिकका प्रधान सम्पादक कृष्णप्रसाद बास्तोला र संस्थाका ज्येष्ठ सदस्य भद्रिका थापा लगाएतले बोलेका थिए।

संस्थाले आवद्ध रही विभिन्न विधामा संस्थालाई सहयोग गर्ने ब्यक्तिहरूको सम्मानपत्रले सम्मान गरेको थियो। सम्मानीत हुनेहरूमा निवर्तमान अध्यक्ष मानकुमारी बराल, लेखापरिक्षक शिवराज बराल, समाजसेवी सानो टेकन गिरी र निवर्तमान कोषाध्यक्ष तारा बराल रहेका छन। त्यस्तै टोलका विभिन्न क्षेत्रका सरसफाई संयोजकहरू गंगा कार्की, खिमा गिरी, दुर्गा थापा, शुसिला गिरी र बाह्यरूपमा सहयोग गर्ने शान्ता घलेलाई प्रसंषापत्रद्वारा सम्मान गरिएको छ।

सभाले सचिव कृष्णकुमारी क्षेत्री थापाको वार्षिक प्रगति प्रतिवेदन र कोषाध्यक्ष सुनिता गिरीको आर्थिक प्रतिवेदन पारित गरेको छ । चालु आर्थिक वर्षको विभिन्न गतिविधि र बैंक ब्याजबाट आम्दानी एक लाख सत्चालीस हजार दुई सय छपन्न रूपैयाँ पैंतीस पैसा रहेको छ भने खर्चतर्फ विभिन्न शिर्षकमा एक लाख सात हजार पाँचसय चौवालीस रूपैयाँ उनान्नव्वे पैसा र उनान्चालीस हजार सातसय एघार रूपैयाँ छ्यालीस पैसा बचत रहेको बताईएको छ।

संस्थाका अध्यक्ष मंगली बास्तोलाको अध्यक्षतामा भएको कार्यक्रमको स्वागत उपाध्यक्ष सरस्वती गिरी र सञ्चालन सचिव कृष्णकुमारी क्षेत्री थापाले गरेका थिए।