सातामा दुई दिन बिदा दिने निर्णयबाट एक महिनामै पछि हटे

काठमाडौं, जेष्ठ २३ खोज मिडिया ।नेपाल सरकार सातामा दुई दिन बिदा दिने निर्णयबाट एक महिनामै पछि हटेको छ।

सोमबार सिंहदरबारमा बसेको मन्त्रिपरिषद बैठकले सातामा दुई दिन बिदा दिने निर्णय खारेज गरेको स्वास्थ्य तथा जनसंख्या मन्त्री विरोध खतिवडाले जानकारी दिएका छन् ।”असार १ गतेबाट लागू हुने गरी आइतबारको विदा हट्यो।” उनले भने।

सरकारले इन्धन खपत कम गर्ने भन्दै गत जेठ १ गतेदेखि सातामा दुई दिन शनिबार र आइतबार बिदा दिँदै आएको थियो, तर दुई दिन विदाले सरकारी कार्यालयबाट प्रवाह हुने सेवा प्रभावित भएको, बिदाको दिनमा समेत सरकारी सवारी चल्दा इन्धनको खपत कम हुन नसकेको भन्दै आलोचना भइरहेको बताए । मन्त्री खतिवडाका अनुसार बैठकले सेना र प्रहरीमा पदोन्नतिको केही निर्णय पनि गरेको छ ।