निर्वाचनबारे गलत सामग्री प्रवाह गर्नेलाई कडा का’रबा’ही गर्ने चेतावनी

काठमाडौं, १९ वैशाख खोज मिडिया । निर्वाचन आयोगले सामाजिक सञ्जालमार्फत निर्वाचनबारे गलत सामग्री प्रवाह गर्नेलाई कडा का’रबा’ही गर्ने चेतावनी दिएको छ ।

निर्वाचनका बेला उम्मेदवार र राजनीतिक दललाई लक्षित गरेर हुँदै नभएका र तोडमोड गरिएका सामग्री सामाजिक सञ्जालमार्फत फैलाउने क्रम बढेको भन्दै कडा निगरानी गरेर कारबाही गर्ने आयोगले चेतावनी दिएको जनाए । आयोगले यसअघि नै आचारसंहिता लागू गरेर सामाजिक सञ्जाल प्रयोग गर्दा पालना गर्नुपर्ने आचरणबारे अवगत गराइसकेको छ ।

यी हुन् पालना गर्नुपर्ने आचरण-
–कसैको पक्ष वा विपक्षमा एस.एम.एस, फेसबुक, म्यासेन्जर, ट्विटर, भाइबर, यूट्युब, इन्स्ट्राग्राम जस्ता विद्युतीय माध्यम प्रयोग गरी कुनै सामग्री प्रकाशन, प्रसारण वा सम्प्रेषण गर्न तथा त्यस्ता सामग्री सामाजिक सञ्जालमा सेयर, लाइक, कमेन्ट वा प्रतिकमेन्ट गर्न नहुने ।

–मौन अवधिमा सामाजिक सञ्जाल, अनलाइन छापा माध्यम वा अन्य कुनै माध्यमबाट राजनीतिक दल वा उम्मेदवारको पक्ष वा विपक्षमा कुनै सन्देश, सूचना, प्रचार प्रसार सामग्री पोष्ट वा सेयर गर्न, कमेन्ट, प्रतिकमेन्ट गर्न, समाचार प्रकाशन वा प्रसारण गर्न नहुने । तर, आयोगले तयार गरेको निर्वाचन तथा मतदाता शिक्षा सामग्री प्रकाशन वा पोस्ट गर्न बाधा पुर्याएको मानिने छैन ।