अर्घाखाँचीका आगोबाट घाइतेलाई भाट समाजको सहयोग

कृष्ण रानाभाट/काठमाडौं । अर्घाखाँची जिल्ला भुमिका स्थान नगरपालिका २ निवासी बलबहादुर भाटलाई रानाभाट तथा भाट समाज नेपाल केन्दिय समितिले हस्पिटलमै गएर नगद सहयोग गरेको छ ।

समाजका केन्दिय अध्यक्ष बाबुराम रानाभाट सहितको समुहले काठमाडौको किर्तिपुर अस्पतालमा गई घाइतेको स्वास्थ्य अवस्थाको बारेमा जानकारी लिन जानुका साथै नगद रु ५८ हजार सात सय २० रुपैया हस्तान्तरण गर्नुभएको छ ।

फाल्गुन १३ गते बिहान ६ बजे गाई बस्तुलाई पानी तताएर दिने क्रममा अचानक बेहोस भई आगोमा पर्दा शरीरको ३७% भाग जलेर घाइते भएका बलबहादुर भाटको उपचार खर्च अत्यन्तै महँगो र धेरै समयसम्म अस्पतालमा राख्नु पर्ने भएकोले सहयोग गरिएको थियो ।
रानाभाट/भाट काठमाडौं जिल्ला कार्यसमिति , काठमाडौं अर्घाखाँची सम्पर्क समाज, कपिलवस्तु र काठमाडौंमा रहनु भएका समाजका बन्घुहरु लगायतबाट संकलन गरिएको थियो ।

केन्द्रिय अध्यक्ष बाबुराम रानाभाटले सानो सहयोगले कसैले नयाँ जिवन पाउँछन भने हामीसँगै हातेमालो गर्नुहुने सम्पूणर् सहयोगी बन्धुहरुलाइ सुखले खान पुगोस् खुशीले दिन पुगोस, सबैलाई मुरी मुरी धन्यवाद व्यक्त गरेका छन् ।