औद्योगिक क्षेत्रको जग्गा अतिक्रमण गर्नेलाई हटाउन खोज्दा प्रहरीसँग झडप, दुई जना घाइते

बुटवल,खोज मिडिया २४ असोज । रुपन्देहीको मोतिपुर औद्योगिक क्षेत्रको जग्गा अतिक्र*मण गर्नेलाई हटाउन खोज्दा आज प्रहरी र स्थानीयबीच झ*डप भएको छ । झ*डपका कारण औद्योगिक क्षेत्रस्थल केहीबेर तनावग्रस्त बन्यो ।

औद्योगिक क्षेत्रको करिब साढे ८ सय बिगाहा जग्गामध्ये चार सय बिगाहा जग्गा अतिक्रमण भएको छ । आइतबार बिहान ५ बजेदेखि नै तैनाथ भएका प्रहरीले अस्थायी रुपमा बनाइएका टहराहरु भत्का*उन खोज्दा स्थानीयसँग झडप भएको हो । झडपमा परी दुई जना घाइते भएका छन् भने दुई जनालाई प्र*हरीले प*क्राउ गरेको छ ।

झ*डपमा प्रहरीले बल प्रयोग गरी गोलीसमेत चलाएको स्थानीयले आरोप लगाएका छन् । राति १ बजे घर घेराउ गरी स्थानीय ३१ बर्षीय हिमाल रानालाई प्र*हरीले प*क्राउ गरेको स्थानीयको आरोप छ ।

बुटवल वडा नं १७ र १८ मा पर्ने औद्योगिक क्षेत्रको नदी उकास क्षेत्रमा गत सातादेखि ठूलो संख्यामा अस्थायी टहरा बनाएर जग्गा अति*क्रमण भएको थियो । प्रशासनले तीन दिनदेखि रातिमा टहराहरु भत्काइदिँदै आएको थियो । तर, त्यसरी पनि अतिक्रमित जग्गाबाट स्थानीय हट्न नखोजेपछि प्रहरीले आइतबार बल प्रयोग गरेको हो । इलाका प्रहरी कार्यालय बुटवलले बारम्बार हट्न आग्रह गर्दा पनि नमानेपछि सामान्य बल प्रयोग गरेको जनाएको छ ।

गत चैतमा तत्कालीन अर्थमन्त्री विष्णु पौडेलले औद्योगिक क्षेत्रको शिलान्यास गर्दा स्थानीयले प्रतिरोध गरेका थिए । आफूहरुले वर्षौंदेखि भोगचलन गर्दै आएको जग्गा थाहै नदिई औद्योगिक क्षेत्रको नाममा लगेको भन्दै स्थानीय आक्रोशित थिए । उक्त जग्गा औद्योगिक क्षेत्र व्यवस्थापन लिमिटेडको नाममा छ । औद्योगिक क्षेत्र निर्माणका लागि डीपीआरसमेत तयार भैसकेको अवस्थामा स्थानीयले अतिक्रमण रोकेका छैनन् ।