सामाजिक सन्जाल Facebook, Messenger, What apps, IMO बाट पार्सल पठाई दिन्छु भनी ठगी गर्ने व्यक्ति पक्राउ”

दार्जिलिङ,खाेज मिडिया ९ असाेज । सामाजिक सन्जाल Facebook, Messenger, What apps, IMO प्रयोगकर्ता महिलालाई फेसबुकमा Nancy Michael को नामबाट Friend Request आए पश्चात कुराकानी हुने क्रममा आफुलाई U.K को नागरीक बताई कुराकानी गर्दै,

बिश्वास कायम गरी प्रेम समेत गर्ने बताएर बिभिन्न प्रकारका उपहारहरु पार्सल पठाएको भनी बताएको र बिभिन्न कागजात सहित पार्सल ट्रयाकिङ गर्ने नम्बर समेत उपलब्ध गराई पीडितलाई बिश्वासमा पारी रु. ५ लाख १० हजार ठगी गरेको पीडितको उजुरी पश्चात अनुसन्धानको क्रममा उक्त कार्यमा संलग्न भारतिय नागरीक संन्दिप क्षेत्रीलाई जि.प्र.का.

झापा संगको समन्वयमा पक्राउ गरी अनुसन्धान गर्दा निज संन्दिप क्षेत्री प्रेन्टि क्रोस्टल (पानीटंकी सिलगुढी) चर्चका पादरी रहेको र चर्चको बिभिन्न धार्मिक कार्यक्रममा भेट भएका महिलाहरुलाई क्रिस्चियन धर्मसंग सम्बन्धित विभिन्न संघसंस्था तथा व्यक्तिहरुले सहयोग गरेको रकम आफ्नो खातामा झिकाउन नमिल्ने भएको भनी बिश्वासमा पारी खाता खोल्न लगाई आफूले ठगी गरेको रकम

निज महिलाहरुको खातामा जम्मा गरी महिलाहरु मार्फत भुक्तानी लिने गरेको खुल्न आएकोले निज प्रेन्टी क्रोस्टल (पानीटंकी सिलगुढी) चर्चका पादरी लाई आवश्यक कारवाहीको लागीको महानगरीय प्रहरी परिसर, काठमाण्डौंमा पठाईएको र सो सम्बन्धमा थप अनुसन्धान जारी रहेको ।

पक्राउ व्यक्तिको विवरणः-
नामथरः- सन्दिप क्षेत्री
ठेगानाः- भारत दार्जिङ जिल्ला सिलगुढी पानीघट्ट बजार
उमेर :- ३३ बर्ष