जिग्मे छ्योगी र प्रितमको पहिलो युगल गित “हाम्रो माया” (भिडियो सहित)

रजनि तामाङ्ग,
काठमाडौं, खोज मिडिया २६ भदौ । नेपाली सांगीतिक क्षेत्रमा आफुलाई गाएक गायिकाको नाममा चिनाउन सफल बाल कलाकार प्रितम आचार्य र जिग्मे छ्योकी घिसिङ यतिबेला दर्शकमाझ चर्चित बनेका छन् ।

यी दुईको गायन र प्रतिभाको आ–आफ्नै प्रतिभा र परिचय रहेको छ । यि दुबैजना गायन क्षेत्रका चम्किला प्रतिभाले गाएको पछिल्लो गीत (हाम्रो माया) भर्खरै मात्र सार्वजनिक भएको छ । एमएमएस इन्टरटेनमेन्टले सार्वजनिक गरेको (हाम्रो माया) लभसङ हो । गीतकार तथा मोडल दर्पण राईको शब्दरचना रहेको यस गीतको भिडियोमा प्रितम र जिग्मे दुबैजना देखिन्छन ।

दुवै जना प्रतिभा गीतकार दर्पण राईको (तिम्ले बाटो फर्यौ अरे) जस्ता चर्चित गीत गाएर सांगीतिक क्षेत्रमा स्थापित भएका छन् प्रितम र जिग्मे तर, त्यो बेला जिग्मे र प्रितम बालकलाकार थिए भने अहिले पनि बालकलाकार नै हुन् भन्दा अत्योक्ति नहोला किनकि यो गीत र भिडियो हेरेपछि लाग्छ,, (दुवै जना वश्यक भइसकेका छन) । विभिन्न गीत गाएर चर्चामा आएका प्रितम र जिग्मेको यो पहिलो युगल गीत रहेको छ ।

गीतकार दर्पणले (तिम्ले बाटो फेर्यौँ अरे) बाटै आफ्ना गीत विभिन्न भर्सनमा ल्याउन थालेका हुन् । जुन गीत दर्पणका लागि मात्र नभएर मेलिना राई, जिग्मे छ्योकी, प्रितमलगायतका कलाकारका लागि एउटा (टर्निङ) प्वाइन्ट पनि हो । नेपाली सांगीतिक आकाशमा ब्लकबस्टर बनेको (तिम्मले बाटो फर्यौँ अरे) विभिन्न भर्सन र तीन सिरिजसम्म आइसकेको छ ।

एक किसिमले भन्ने हो भने गीतको सिरिज निर्माण गर्ने एउटा नियम नै दर्पणले बसालेका छन् । (तिम्मले बाटो फर्यौँ अरे) को सिरिज नआएसम्म रिमेक गर्ने चलन थियो तर, अहिले रिेमकको सट्टा सिरिज ल्याउने क्रम बढेको छ ।

यस्तै, दर्पणले आफ्ना अरु गीतहरु पनि सिरिजका रुपमा प्रस्तुत गर्दै आएका छन् । यो उनको पछिल्लो सिरिज गीत हो । यस गीतलाई पनि श्रोता तथा दर्शकले रुचाएका छन् । शुक्रबार सार्वजनिक गरिएको यो गीतको प्रतिक्रिया एकदमै राम्रो आइरहेको गीतकार दर्पणले बताएका छन् । यस गीतलाई अजय कार्कीले संगीत गरेका हुन् ।