लहानका यातायात मजदुरले स्थानीय प्रशासन र नगरपालिकासँग व्यवस्थित व्यवसाय गर्न माग

शम्भु चौधरी सिरहा १२ भदौ । लहानका यातायात मजदुरहरुले स्थानीय प्रशासन र नगरपालिकासँग व्यवस्थित व्यवसाय गर्न पाउ भनेर माग गरेका छन् । शुक्रबार सगरमाथा बस व्यवसायी प्रालिको कार्यालयमा पत्रकार सम्मेलन गरी पछिल्लो समय भएको घटना विषयमा जानकारी समेत दिएका छन् ।

पत्रकार सम्मेलनमा सगरमाथा बस व्यवसायी प्रालीका अध्यक्ष हरिनारायण यादवले यातायात मजदुरमाथि कुनै किसिमको ज्यादती मान्य नहुने बताए । हामीले यात्रुलाई सहज र यातायात मजदुरलाई पनि मार्का नपारी यातायात सञ्चालन गर्नुपर्ने बताए । प्रहरीले लगिएको सरसमान तुरुन्त फिर्ता गर्नु उनले माग गरे ।

‘हामीले टिकट काउण्टरबाट नै टिकट काट्ने र यात्रुले आफ्नो सुविधा अनुसार बस चढ्न र ओर्लन पाउनुपर्ने माग गरेका छौ,’ शम्भु चौधरीले भने,‘बस पार्कमा शुल्क सवारी साधनले तिर्दै आएको छ । बस पनि राख्ने गरेको छ । बजारमा भाडा बसेको ठाउँमा प्रहरी प्रशासनले गरिरहेको जर्वजस्ती रोक्नुपर्छ ।’ बजारमा एरियामा पनि ठाउँठाउँमा ५÷१० मिनेट सवारी रोक्न दिनुपर्ने सुविधा हुनुपर्ने उनले बताए । जसले यात्रुलाई सहज पुग्ने उनले सुनाए ।

नेपाल पत्रकार महासंघ शाखा सिरहाका सभापति मनोज बनैता यादवले भने वास्तवमा यातायात मजदुरका साथीहरु माथी अन्याय भएकै हो यसलाई हामी आफनो तह तपकाबाट सहयोग गर्नै पर्नेमा जोड दिएका थिए ।
कार्यक्रम सगरमाथा बस व्यवसायी प्रालीका अध्यक्ष हरिनारायण यादवको अध्यक्षतामा सम्पन्न भएको थियो ।