यसरी गरिन्छ खाद्य सामग्रीमा रिलेबलिङ

काठमाडाैं, खोज मिडिया ११ भदौ । वाणिज्य आपूर्ति तथा उपभोक्ता संरक्षण विभागले म्याद नाघेका खाद्य सामग्रीमा नयाँ म्याद राखेर बजारमा बिक्री गर्ने एक जनालाई पक्राउ गरेको छ । सोमबार विभागका निर्देशक तथा प्रवक्ता शिवराज सेढाईंको नेतृत्वमा खटेको अनुगमन टोलीले काठमाडौं महानगरपालिका–१६ बालाजुस्थित अगद नेपाल भेन्चरमा म्याद नाघेका बिस्कुट, पास्ता, सेबइ, चक्लेट, सोयाबिनलगायतका खाद्य वस्तुमा नयाँ मूल्य र म्याद राखेर बजारमा पठाउने एक जना कर्मचारी सुभास खड्कालाई पक्राउ गरेको हो ।

प्रवक्ता सढार्इंले एक दर्जन बढी खाद्य वस्तुमा उपभोग्य मिति तथा मूल्यसम्बन्धी नयाँ लेबल लगाई बिक्रीवितरण गरी अनुचित व्यापारिक क्रियाकलाप गरेको भन्ने गोप्य सूचनाका आधारमा अगद नेपाल भेन्चरमा छापा मारेको बताए । उनले आप्mनो नेतृत्वमा आठ जनाको अनुगमन टोली र नेपाल प्रहरीको महानगरीय अपराध अनुसन्धान शाखाको टोलीसहित भेन्चरमा छापा मारेको जानकारी दिए । उनले छापा मार्ने क्रममा म्याद नाघेका बिस्कुट, चक्लेट, पास्ता, सेबइलगायतका खाद्य वस्तुमा नयाँ मूल्य र म्याद राखेर बजारमा पठाउने गरेको पाइएको बताए ।

प्रवक्ता सेढाईंले भने, ‘गोदाममा सामान कति छ भन्ने यकिन भएको छैन । सो कम्पनीको दुईवटा नै गोदाम सिल गरेको छ । कम्पनीमा काम गर्ने एउटा कर्मचारी सुभास खड्कालाई पक्राउ महानगरीय अपराध अनुसन्धान महाशाखा काठमाडौंमा राखेको छ ।’ उनले भने, ‘कर्मचारी सुभास खड्काका अनुसार कम्पनीका सञ्चालक प्रभात देव फरार छन् । उनलाई प्रहरीले खोजी रहेका छन् । म्याद नाघेका खाद्य सामग्रीमा नयाँ म्याद राखेर बजारमा बिक्री गरी उपभोक्ताको स्वास्थ्यसँग खेलबाड गर्ने उनलाई उपभोक्ता संरक्षण ऐन २०७५ बमोजिम कारबाही गरिने प्रवक्ता सढार्इंले जानकारी दिए । उनले थप अनुसन्धानका लागि पुनः लेबल गर्ने मेसिन र सो कार्यमा प्रयोग हुने केमिकल, कागजता र खाद्य वस्तुहरू बरामद गरेको बताए ।

प्रवक्ता सेढाईंले कोरोना संक्रमणका कारण लामो समयदेखि निषेधज्ञा भएको हुँदा बजारमा धेरै म्याद नाघेका खाद्य वस्तु पाइने गरेको बताए । उनले भने, ‘निषेधाज्ञा खुकुलो हुनेबित्तिकै विभागले बजारमा म्याद नाघेका खाद्य सामग्री बजारमा आउन सक्ने भन्दै सचेतनाका लागि सूचनासमेत जारी गरेको थियो । हामीले उपभोक्तालाई सचेत गर्न र व्यापारीलाई अनुचित व्यापारिक क्रियाकलाप नगर्नसमेत चेतावनी दिएका थियौं । तर, व्यापारीले अनुचित व्यापारिक क्रियाकलाप गर्न छोडेका छैनन् । उनले भने, ‘साउन महिना विभागले १ सय ८४ वटा व्यापारिक फर्ममा अनुगमन गर्दा १ सय ८४ वटा व्यापारिक फर्ममा नै कैफियत भेटिएको पाइयो ।

९ हजार ५ सय ६ रुपैयाँ बराबरको म्याद नाघेका खाद्य वस्तु नेस्ट गरिएको थियो भने ७० वटा फर्मलाई कारबाही गरी ६ लाख ९० हजार जरिमानासमेत गरियो । यसैगरी नौवटा फर्म सिल नै थियो । जसमामध्ये एक खाद्य पसल पाँच कस्मेटिक, दुइैवटा बेकरी र एक पानी पसल थियो ।’ प्रवक्ता सेढाईंले भने, ‘बजार व्यवस्थित गर्न विभागले अनुगमन गरेर व्यापारीलाई कारबाही गरेर मात्र हुँदैन उपभोक्ता स्वयं सचेत हुनु अति आवश्यक छ भने व्यापारीहरू आफू जिम्मेवार मर्यादित भएर व्यवसाय गर्नुपर्छ ।’