स्वास्थ्य मापदण्ड अपनाई सिराहाका संस्थागत विद्यालयहरु आजबाट सञ्चालनमा

शम्भु चौधरी सिरहा, १० भदौ । जिल्ला उधोग वाणिज्य संघ लाहानको सभा हलमा बुधबार एक पत्रकार सम्मेलन गरी स्वास्थ्य मापदण्ड अपनाई सिराहाका संस्थागत विद्यालयहरु बिहीबारबाट सञ्चालन हुने निर्णय भएको हो । कोविड-१९ का कारण बन्द रहेका सिरहाका निजी तथा संस्थागत विद्यालय ०७८ भदौ १० गते बिहीबार खुल्ने निर्णय भएका छन।

भौतिक उपस्थितमै स्वास्थ्य मापदण्ड अपनाई कक्षा ६ देखि १२ सम्मका सम्पूर्ण विषयहरु पठनपाठन नियमित रुपमा सञ्चालन हुने भनिएको छ।

नेशनल प्याब्सन सिरहा र प्याब्सन सिरहाको संयुक्त रुपमा आयोजित पत्रकार सम्मेलनको अध्यक्षता प्याब्सन सिराहाका अध्यक्ष लालबाबु राय , नेशनल प्याब्सन उपाध्यक्ष सुदिप चौधरी , नेशनल प्याब्सन प्रदेश न.२ का अध्यक्ष जय प्रकाश चौधरी , नेशनल प्याब्सनका केन्द्रीय सदस्य पाण्डव हमाल , नेपाल पत्रकार महासंघ सिरहाका निवर्तमान सभापति दिनेश्वर प्रसाद गुप्ता , अध्यक्ष मनोज बनैता लगायत विभिन्न मिडियामा आबद्ध पत्रकारहरु उपस्थिति देखिएको थियोे । राष्ट्रको निर्माण गर्ने विद्यालयहरु बन्द हुनुले राष्ट्रका हजारौं कर्णधारहरुको भविष्य अन्धकारमै बन्दै गएको प्रति दुःख व्यक्त गर्दै विभिन्न सरोकारवालासँग छलफल तथा परामर्श गरी विद्यालय खोल्ने निर्णय भएको हो ।

विद्यालय नपुगेका विद्यार्थीहरुमा मानसिक तनाव , डिपरेसन , नाकारात्मक प्रभाव समेत परिरहेको देखिन्छ। निजी विद्यालयहरुले गरिरहेका कामकाज बारे गहन रुपमा कार्यक्रममा छलफल भएको छ।

स्वास्थ्य मापदण्ड अपनाउने संस्थागत विद्यालयहरुको प्रतिबद्धता:- – विद्यालयमा मास्क विना प्रवेश निषेध , मास्क अनिवार्य लगाएर आउनुपर्ने । – प्रवेश द्वारमा प्रत्येक शिक्षक , विद्यार्थीको थर्मल गनबाट तापक्रम मापन गरिनेछ । – कक्षाकोठालाई दिनहुँ सेनिटाईजिङ्ग मार्फत सफासुग्गघर गरिनेछ । – विद्यालय परिसर छिर्ने वितिक्कै सावुन पानीले हात धुने । – स्कुल बस सम्बन्धि मापदण्डहरु अपनाउनेछ। – कक्षा सञ्चालन तथा शिक्षण विधि तथा कोरोनालाई ध्यानमा राखी पुर्ण सुरक्षित साथ शिक्षालय सञ्चालन गरिने विद्यालय सञ्चालकहरुले भनिएका छन।