जुनियर बक्सिङमा नेपाललाई तीनपदक पक्का

बईकाठमाडौं, खोज मिडिया ८ भदौ । दुमा सञ्चालन भइरहेको एएसबीसी जुनियर तथा युथ ब्वायज एन्ड गल्र्स बक्सिङ च्याम्पियनसिपमा नेपाललाई तीनपदक पक्का भएको छ ।

जुनियर ५४ केजी तौल समूहको क्वाटरफाइनलमा कुवेतका प्रतिद्वन्द्वी मोहमद्लाई पराजित गर्दै नेपालका मुक्केवाज छिरिङ वांदी शेर्पाले तीन राउन्डमै आफ्नो वर्चश्व कायम गर्दै ५–० को जित निकाल्दै पदक पक्का गरेको हो । अब छिरिङले फाइनल प्रवेशका लागि काजस्तानका अडाल्बेक नियाज्बासँग सेमिफाइनलमा प्रतिस्पर्धा गर्दै छन् ।

यसअघि दुई महिला मुक्केवाज स्वस्तिका तिरुवाले र नारीका राईले पनि क्रमशः ५२ किलो तथा ५७ किलो तौल समूहअन्तर्गत नेपाललाई कास्यपदक पक्का गरिसकेका छन् । यसरी ६ जना सहभागी मुक्केबाजमध्ये हालसम्म ३ कास्य पक्का गरी सकेको छ । नेपालले पदकको आशा गरेका अर्का युवा मुक्केबाज इन्द्रबहादुर सुनार इरानी प्रतिद्वन्द्वीसँग पराजित हुदैं बाहिरिए ।

७१ किलो तौलमा नेपालका सुदेन गिरी आफ्नो तौलका विश्व वरियतामा अगाडि रहेका मुक्केबाजसँग आरएससीको आधारमा पराजित भएका थिए । अर्का युवा मुक्केबाज सुलभ माली सोमबार ५४ केजी तौल समूहमा इरानी प्रतिद्वन्द्वी अलियस्घसँग पहिलो राउन्डमै पराजित भए । २० अगस्तदेखि सुरु भएको च्याम्पियनसिप ३१ अगस्टसम्म सञ्चालन हुने जनाएको छ ।