लकडाउनको बारेमा भोलि निर्णय हुने

रोमन लामा
रामेछाप ७ भाद्र खोज मिडिया। काठमाडौं उपत्यकामा लकडाउनको समयावधि थप गर्ने बारेमा मङ्गलबार निर्णय हुने भएको छ । कोभिड १९ संकट व्यवस्थापन केन्द्रको सुझावपछि लकडाउन थप गर्ने तयारी थालिएको काठमाडौं जिल्लाका प्रमुख जिल्ला अधिकारी कालीप्रसाद पराजुलीले बताए । उनले भने, ‘भोलि मङ्गलबार दिउँसो ३ बजे बैठक बसेर लकडाउन थप गर्ने बारेमा निर्णय गर्ने तयारी छ । लकडाउनको मोडालिटीबारे भोली नै निर्णय हुन्छ ।’  सरकारले जारी गरेको पछिल्लो लकडाउनको समयावधि भोलि मङ्गलबार राति १२ बजेदेखि सकिदैछ ।

लकडाउनका कारण मुख्यतः शिक्षण संस्थाहरु, सिनेमाहाल, चिडियाखाना,स्वीमिङ पुल, दोहोरी साँझ लगायतका भीडभाड बढी हुने ठाउँहरु बन्द छन् ।